رواية حب معقد كاملة جميع الفصول بقلم سلسبيل محمود

الفصل الثاني 2

- طيب رد عليا حتي يا آسر عشان خاطري
= ملكيش اي خاطر عندي يا ليلي بعد الى عملتيه
- فعلا! يعني حتي مش هتسمعني و
قاطعها بزعيق: اسمع ايه انتي ضحكتي عليا! لولا اني شكيت انك عالبحر ومش فالجامعه فعلا مكنتش هاجي عارفه يعني اية؟ يعني كان زمان الى بيعاكسك ده عمل فيكي حاجه ! 
حاول ياخد انفاسه وضرب التابلو بتاع العربية بغضب
ليلي بعياط: والله مكنش قصدي كل ده انا كنت مخنوقة محتاجه اذاكر واعمل حاجات كتير ومش قادره اعملها فالبيت وعمتو رافضه اني اخرج لوحدي 
بسخريه: لا بصراحه سبب قوي انك تكدبي عليا وتخليني اوصلك ومتدخليش الجامعه تمام

- انت ليه مش فاهمني انا مكنش قصدي حاجه وحشه انا ب
آسر قاطعها بعصبيه: انتي بتبرري اية !!! انا مش عايز اسمع حاجه تانيه خلاص 
آسر وصلها لحد البيت وفتحلها باب العربية: اتفضلي انزلي وياريت تبقي تطلعي عالبيت علطول مروحش اجيبك من اخر الشارع ولا من حتة تانيه
" ليلي بصتلة  بصدم#مه من كلامه ومقدرتش ترد عليه ونزلت جري وهي بتعيط ولما طلعت هدي اتخضت من شكلها  " 
(صلي على محمد 🩷🦋)
بقلق: في اية !! 
= مفيش حاجه
"دخلت البيت بسرعه وهدي دخلت وراها ورزعت الباب"
- بقولك في اية انتي اية جابك دلوقتي وجيتي ازاي
ليلي هنا مقدرتش تمسك نفسها: جيت ازاي ؟ يعني اية جيت ازاي هو انا عيله مش هعرف اجي لوحدي
= انت بتتكلمي كده ليه يا ليلي ؟ ومن امته بتخرجي لوحدك فعلا 
- بخرج اها عشان انا تعبت انا عايشة مع حضرتك بقالي 13 سنه عمري زعلتك ! عمري دايقتك مني
هدي بستغراب: حضرتك!!؟ هوا في اية بالظبط
= اها حضرتك، طول مانا معاكي عمري ما زعلتك
ولا قولت لك اي كلمه تجرحك انما حضرتك كل دقيقة بتعامليني وحش وبتجرحيني وبتقللي مني مع اني كنت بحبك وقاعده معاكي وبقول يمكن تفهمني وتحبني! يمكن تبقي حنينه عليا لكن  خليتني اعمل حاجات عمري ما حبيت اعملها وفالاخر طلعت وحشه
" هدي كانت مصدومه من كميه كلام ليلي المفاجئ ليلي عمرها حتي ما علت صوتها عليها ومكنتش فاهمه اصلا في اية "
- انتي جرا لمخك اية ؟؟؟ حصل اية لكل ده انا لازم اكلم آسر يشوف مالك
ليلي وقفت قدامها: خلاص مبقاش حد مسؤل عني انا محدش صرف عليا جنيه غير بابا يعني مكنش في داعي لتحكمك فيا الى خلاني اتعقد واخر اليوم قبل حتي ما ابنك يجي هكون مشيت من هنا 
هدي: انتي اتجنني يا ليلي خدي هنا  
ليلي دخلت الاوضه بتاعتها بسرعه وقفت على نفسها بعتت رسالة لمحمد 
" انا عارفه انك مش هترد يا بابا لكن انا كدا كدا همشي من بيت عمتو وهاروح بيت امي اقعد فيه لوحدي " 
" وليلي فعلا بدأت تلم حاجاتها وهي بتعيط على حالها ده وسمعت صوت عمتها من ورا الباب" 
- انا عمري اتكلمت معاكي ف فلوس عشان تقولي كده اخص عليكي 
"ليلي وقفت بصمت للحظه"
- انا لازم اعرف حصل اية عشان تقول كل ده آسر زعلك فحاجه؟ طب ده طول عمره بيدافع عنك! 
"ليلي دموعها نزلت وافتكرت ازاي لحقها من الى كان بيعاكسها.."
(الحمد الله دائما وابدا 🙏🩷)

فلاش باك # 
- بقولك ابعد عني انت مجنون
" الشاب قرب منها وقبل ما يمد ايده عليها كانت ايد آسر الى بتتمد عليه نزل فيه ضرب ومرحموش حرفيا وفالاخر لما الناس اتلمت كان في ظابط مرور خده والناس حاشت آسر بأعجوبة "
" وقتها ليلي مكنتش عارفه تقول حاجه " 
طلعها العربية بدون كلمه ومكنش قادر يسوق من غضبه وقاعد ساكت 
- اسر والله انا.. انا مقصدش اكدب
= انا مش عايز اسمعك 
وفضل مش مهتم لكلامها..
باك # 
" ليلي مسحت دموعها آسر فعلا طول عمره بيدافع عنها لكن المره دي مسمعهاش حتي.. " 
********************************
(استغفر الله العظيم واتوب اليه)🩷
- مالك يا آسر؟ 
= مفيش 
- مفيش اي يبني وايدك مالها حمرا كده ليه ؟ اكيد مكنتش بتتخانق يعني ده انت المحترم الى فينا 
= احمد مش قادر اهزر خالص
- طب قولي بجد حد اتخانق معاك ولا اية؟؟
= لاء مفيش حاجه
" قاطعهم دخول ندي بسهوكة " 
- احم ازيك يا آسر 
= تمام
- اية ياعم مش ترد على زمايلك رنيت عليك كتير
= مختش بالي خالص معلش
- طب سجل رقمي بقي هرن عليك دلوقتي
"احمد كان مندهش منها وآسر سجله عشان يخلص من زنها وتلزيقها"
اتكلمت بصوتها الشتوي: هتسجلني اية بقا 
آسر وهو بيقوم: هسجلك ندي مش ندي برضو؟ 
" مشي قبل ما يسمع ردها واحمد كتم ضحكه وقام وراه آسر "
- اية يا ندوش آسر كرفك برضو.
ندي ضحكت: اصبري هيبقي عامل ازاي معايا يحببتي
= متسبيه فحاله يبنتي ده ملوش فيها
- ماهو عشان كده عايزه ابقي معاه، وعشان عمر يعرف اني ممكن اصاحب غيره وآسر ده اكتر واحد فحاله وملوش فيها ومش غني زي عمر فا لو صاحبته وقتها عمر هيجيلي راكع
= دماغك سم انا رايحه احضر المحاضرة يختي
- روحي يا دكتورة.
***************************
" صلي على محمد وزيده صلاة "🩷🫶
" ليلي لمت حاجتها وخرجت وهدي كانت لسه جمب الباب بتاع اوضتها قاعده على كرسي " 
- انتي لميتي حاجتك!!!!! عايزه تمشي!؟؟ بعد كل ده انا مش هسمحلك ابدا
= مبقاش لي لازمة الكلام لو سمحتي سبيني 
- انتي مش هتتحركي من هنا
ابتسمت بسخريه: ياه شيفاني عيله لدرجه انك هتحبسيني مثلا ؟ 
- انتي ازاي بقيتي كده في يوم وليلة؟! 
= معلش بقي ده حصاد سنين
- ليلي انتي بنتي، انا عمري ما قصدت ازعلك! انا قاسية لأن.. لان ده طبعي لكن بحبك
= بتحبيني! 
- صدقيني انا عملت اي حاجه من خوفي عليكي محمد لما جالي وقالي اخليكي عندي بعد مoت امك قولتله خايفة انا لوحدي دي مسؤليه قالي البركه ف آسر  راجل وزي اخوها انا مش عايزها تتبهدل معايا بره لحد ما اكون نفسي وقتها اديتله كلمه اني هربيكي احسن تربيه وهحافظ عليكي كأنك بنتي وكنت بعمل كدا! 
= بأنك تخبيني ؟ بأنك تخليني بخاف ومكبوتة ودايما تنتقدي تصرفاتي؟ وحتي الكلية بتقللي منها 
- انا مكنتش بقلل منك كنت فاكره ان كده هتذاكري واني بشجعك! 
ضحكت بسخريه: وكنتي حبساني ليه؟ 
= انتي فاكره الشارع اية ؟ الشارع بيشوه وكله نفوس مريضه وانتي مش قدهم 
- مش قدهم لأنك الى خلتيني كدا لو سيباني من بدري كان زماني قدهم واحسن منهم وبقف للتخين فيهم
" ليلي بدأت تتحرك للباب وهدي تعبت وقعدت عالكنبه لكن ليلي ملاحظتش وفتحت الباب وهي بتجر الشنطه بس اتفاجئت ب آسر فوشها.. " 
يتبع..