رواية ما هو ذنبي ؟ بقلم زهراء

عمي: انتي شنو تحجين دلال يتيمه وتالي انطيها فصلية
دلال: انتي شنو تحجين ظليت جامده بمكاني واتصفن بالوجوه واكلهم ما اريده ما تخافون الله تنطوني فصلية
واني يتيمة عيون ابوي ما عرضتلكم
سعاد: انجبي شنو تردين محمد يـ-مoت ترحين فصلية غصـ*با عليج ابو محمد تعال اريد احاجيك
عمي: سعاد شلون هيج تكولين دلال امانه شلون انطيها
سعاد: جا تنطي بنتك بلكي ناس زينه ما راح يأذونها تقبل محمد ينكتل يمـ-وت وحيدنا والله اذا ما رجعتلهم الخبر وتنطي دلال فصلية ويرجع ابني اشمر نفسي جوه السيارة واموت نفسي وابليك بية
دلال: خفت سعاد تقنع عمي لان هو ما يرفض الها شي وابقى اني بنت اخو بنته اقرب اكيد راح ينطيني بس لا ما معقولة اني ما اهون عليه

عمي طلع من الغرفه وصاحلي اكعد يمه
عمي: دلال تعي كعدي يمي بعد عمج اريد احاجيج بس اريد ما تكولين عمي ظلمني اني بس اريد اوكف بحر الدــ-م الي راح يصير وانتي ما تقبلين احنى نتأذه واني مراح اشمرج راح اوصيهم عليج وهم ناس اجاويد شفت اخو رجال معدل وهم ما تطلع منهم العيبة مراح يظلمـ*ونج
دلال: اسمع حجي عمي واحس نار تنزل ع كلبي وعيوني صارت حمر وينزل الدمع بدون ما احس بي والمشكلة ما حاس بلي راح يصير بية اااخ يا بوية وينك تعال شوف اخوك شيسوي بيه وينك غيث اختك راح تمشي فصلية راح انهان مالي ظهر يسندني

عمي: احجي ليش سكتي اكيد قابله مو..دلال: عمو اني ما ارييد ات... عمي: شنو ما تردين اني رايح هسه واكلهم بليل يجون ياخذونج دلال: اباوعها وبكلبي حقد بس اللة يدري بيه حتى مخلاني اكمل صح حياتي ويه بيت عمي مو زينه واشبه بالجحيم بس تبقى احسن من الحياة المجهولة المنتضرتني اتمنى ما يجي الليل
سعاد: يلا لمي ملابسج وصيري زينه هم يصيرون زينين سمعي كلام زوجج ولا  تعصينه واذا طلب منج شي لا تكليلة لا بالعكس اندمجي وياه
دلال: اشوف سعاد تحجي بس اني بغير عالم ما ادري اصلا شنو تكول افكر شراح يصير بيه اكيد مراح يتقبلوني بنصهم راح اعيش مذلـ*ولة بس معقولة يطلعون مثل القصص الي اقراهن يحبوني واصير مثل بتهم ااخ راسي احس راح ينفجر من التفكير اشوف سعاد جابت جنطه وطلعت ملابسي كلهن وجاي تحطهم بالجنطه واحس ويه كل قطعه ملابس تخليها احس املي انو اظل بيت عمي يقل بعد كم ساعه شراح يصير مصيري مجهول
صار المغرب ودخل عمي واسمع يكول السعاد بعد نص ساعه ويجون ومحمد باجر يطلع ويكللها علمتيها وعقلتيها مو تفشلنا ويبطلون يطلعون الولد
سعاد: لا علمتها وصيتها بس تدري بنت اخوك ماكو تربية ولا مستحه شسويلها راح اصيحها حتى تخوفها شوي
دلال: اسمع سعاد
يتبع