رواية عشق من الطبقة المخملية الفصل الثالث 3 بقلم همس كاتبة

سيف: هي هايدي كدة، اتربت من صغرها على كدة، انتي من عيلة غنية زيها  و يمكن اغنى منهم ومع كدة انتي متواضعة وهادية عكسها تماما 
روز بسعادة: انا ما بحبش الناس المتكبرة خالص دي حتى مش راضية تخلف من قاسم بيه وبتاخد موانع 
سيف بصد@مة: نعم ؟؟؟ انتي بتقولي اييه 
روز بتمثيل الصد@مة والحزن: انا اسفة مش قصدي والله انا ما قصدتش اقول، انا زلقت بالكلام، ارجوك ما تقولش لقاسم بيه، هايدي مجنونة ممكن تمو.تني لو قاسم عرف 
سيف بعصبية: ازاي دنا هقول لقاسم يسود عشيتها، بقاله مدة بيفكر بموضوع الخلفة وهي بتاخد مانع حمل عشان رشاقتها وجسمها ما يبوظش

روز: الموضوع مش عشان كدة، هي مش عايزة تخلف منه عشان مش بتحبه وعايزة تاخد فلوسه وتصرف براحتها 
سيف بعصبية: انا عارف انها طماعة بس الحق على قاسم الي دلعها زيادة 
روز بدموع حطت ايدها على ايد سيف: ارجوك يا سيف ما تقولش لقاسم انا ممكن اروح فيها 
سيف انصدم من حركتها لكنه حس بخوفها لما شاف دموعها ومسك ايدها وقال: خلاص يا روز مش هقوله بس بشرط 
روز: ايه 
سيف: اي حاجة تقولهالك هايدي تقوليلي عليها 
روز ؛ عايزني اخون صاحبتي ؟ 
سيف: دي صاحبة مش كويسة وهتأذي قاسم عشان كدة انتي لازم تبعدي عنها وتنقذي قاسم من شرها 
بعد وقت ذهب سيف 
و بقيت روز تنظر الى اثره بابتسامة نصر 
روز: كدة تمام،بدأ الشغل 
اما سيف 
كان شارد الذهن 
بيكلم نفسه: والله ووقعتي يا هايدي وما حد سمى عليكي، انا هبعدك عن قاسم باي شكل، نور هي الي تستحقه وهتحبه مع الوقت وهيحبها، ده مهما كان صاحب عمري مش هسمح لحد يأذيه  
في مطعم كلاسيكي فاخر يمتاز بالديكور العصري ممزوج مع مناظر تاريخية وقديمة 
نور باعجاب بالمكان: المطعم ده تحفة 
قاسم  كان يقرأ قائمة الطعام: تحبي تطلبي ايه 
نور: مش عارفة  
بعد وقت طلب قاسم الطعام وبدأو بالاكل قاسم كان مركز مع نور بشكل كبير ومن الواضح انها بتعرف تاكل بالشوكة والسكين كويس اوي وواضح انها بتعرف اتكيت الاكل والقعدة وفاهمة كويس اوي  
قاسم: طلعتي مش سهلة وبتعرفي حركات الاغنياء 
نور برفعة حاجب: ليه هم الاغنياء بس الي بتعاملو باتكيت ؟
قاسم: لا مش شرط 
نور: على فكرة ده اسلوب اكل يعني مش شرط اكون غنية عشان اكون راقية 
قاسم ببرود: اممم فعلا 
بعد وقت 
خرج قاسم ومعه نور من المطعم ووصلها لغاية شقتها 
قاسم بنبرة امر: لبسك يطول شوية يا نور هانم المرة دي انا ما اتكلمتش بس المرة الجاية مش هتخرجي بالبس ده وممنوع خروج من غير حراسة 
نور بغيظ: اولا اسمي نور وبس تانيا وانت مالك فيا البس الي يعجبني 
( كانت لابسة فستان اخضر فاتح   نص كم ولحد الركبة ) 
قاسم مسكها من ايدها بقوة وقال: لا يا حلوة، منا مش هسيبك تلبسي براحتك، طالما لبسك مش عاجبني مش هتلبسيه تاني 
ترك ايدها واثر ايده علم على ايدها
نور بعصبية نزلت من العربية ورزعت الباب بوشه 
هو عصب جدا من حركتها فنزل من العربية وذهب باتجاهها 
ومسكها بقوة 
قاسم: ايه الي عملتيه ده 
نور  بخوف من عصبيته: عملت ايه 
قاسم بغضب: اوعك تتكرر تاني، لما اتكلم معاكي تقولي حاضر ومن سكات فاهمه 
نور بغضب: لا مش فاهمة، انت شايف نفسك على ايه، يعني عشان معاك فلوس خلاص تدوس على مخاليق ربنا 
قاسم اتعصب وكان هيتكلم لولا قاطعه صوت الموبايل 
استغلت نور انشغاله وفرت هاربة الى شقتها 
قاسم انتبه لهروبها وذهب الى الشركة 
مرت الايام بسرعة 
ما بين انشغال نور في تحضيرات الزفاف 
و انشغال قاسم في صفقاته 
و سيف بقا يكلم روز كتير 

و هايدي غضبها بيزيد بعد ما قاسم سحب الفلوس من حسابها 
اليوم الفرح 
عاد قاسم باكرا الى القصر 
قاسم  بسخرية: مش هتحضري فرحي يا هايدي هانم 
هايدي ببرود: لأ 
قاسم باستغراب وسخرية: ليه نور هتزعل، المهم يلا اجهزي عشان تسافري 
هايدي بصد@مة: اسافر ؟؟ 
قاسم: اه، عشان اخد راحتي مع عروستي الجديدة ولما نروح شهر العسل ترجعي تاني 
هايدي: لا انا مش هسافر، انا عايزة اقعد عند اهلي يومين 
قاسم بسخرية: وهم فاضينلك ؟ دول بيحضرو لفرحي 
هايدي بعصبية: خلاص بقا هروح عند روز 
قاسم: تمام 
في الفرح 
كانت القاعة من ارقى واجمل القاعات،فاخرة جدا 
كانت نور ترتدي فستانها الابيض الذي صمم بناءً على طلبها و هيلز ابيض بسيط جدا وتاج ملكي فاخر كانت كالأميرات تهبط عن السلم وتمسك باقة الورد الابيض من ازهار التوليب في يدها واليد الاخري بيد الحج عمر الذي سلمها لقاسم 
اندهش قاسم من كمية جمالها الذي لا يوصف تأملها بسرحان ولم ينتبه كم مر من الوقت لم يكن يريد ان يزيح عيناه عنها  ابدا 
كان كل المدعوين مبهورين بجمال تلك العروس نظرا لبساطة فستانها وهدوء الميكاب مما اظهر كم الاناقة والجمال لديها 
ذهبت روز وسيف الى قاسم ونور 
سيف: الف مبروك يا صاحبي 
قاسم: ربنا يبارك فيك عقبالك 
نظر سيف الى روز بابتسامة 
وقال: آمين 
ابتسمت روز ونور على كلامه 
سيف: الف مبارك يا مدام نور 
روز: الف مبارك يا قاسم بيه 
و اتجهت الى نور وسلمت عليها 
روز: الف مبارك يا نور هانم 
نور ابتسمت 
ووقفو سويا لاخذ صورة معا 
اتت بعد ذلك مريم 
وتصورت مع نور 
مريم بدموع: الف مبارك يا حببتي 
نور: انتي هتعملي فيها ام العروسة 
مريم بضحك: اديني بجرب 
بعد وقت انتهى الزفاف وذهب جميع المدعوين 
نور جلست على الارض في القاعة وخل-عت  حذائها 
نور: اه ياني اه، ما كنش يومك يا نور، انا رجليا  ورمو من الهيلز الغبي ده 
قاسم بصد@مة  و غضب: ايه الحركات دي قومي هتفض-حينا 
نور: يا عم اتنيل انا في ايه وانت في ايه 
قاسم نزل لمستواها ومسكها من ايدها بعنف ورفعها وقال: مش مرات قاسم الألفي الي تعمل الحركات دي 
نور بتعب: انا تعبانة اوي عايزة انام 
بعد وقت وصلو القصر واول ما دخلو كانت هايدي لسا طالعة وباين عليها معيطة  
هايدي ببحة: انت جيت 
نور بابتسامة: ازيك يا هايدي هانم 
هايدي بتكبر: انتي مين اصلا 
نور بضحكة صفرا: انا ضرتك يا قلبي،والله  انا حبيتك اوي واضح اننا هنكون صحاب 
هايدي بغرور: عن اذنكم 
وقبل ما تذهب 
نور عملت نفسها دايخة 
وقالت: اه قاسم انا تعبانة اوي شيلني لاوضتي، قصدي لجناحي 
تقدم قاسم منها وشالها 
هادي كانت تنظر لهم بغيظ ثم ذهبت الى عربيتها وصلت رسالة على موبايلها كانت صورة قاسم ونور وسيف وروز 
هايدي بغيظ: حتى انتي يا صاحبتي روحتي لفرحه 
وصل قاسم جناحه 
كان مزين بأجمل الزينة 
كان شايل نور بين ايديه قام رماها على السرير بعنف 
نور بألم: يخرب بيتك ضهري اتفلق 
قاسم بغضب: اتلمي واتكلمي عدل 
نور: انا هقوم اغير احسن ما اسمع تفاهتك 
و مشت من قدام قاسم 
مسكها من شعرها وقال: …….. يتبع