رواية ليلة الد0خلة الذهبية كاملة جميع الفصول بقلم حنان حسن
الفصل السابع 7
بعدما اتاكدت
اني مش هقدر انفذ اي خيار من الخيارات
الي عرضها عليا الوسيط
ولا حتي هقدر اقتل نفسي واموت كافرة
فضلت محتارة وبفكر
واقول لنفسي
هتعملي اية يا داليا
وهتصرفي ازاي والمهلة خلاص قربت تنتهي؟
وفي اللحظة دي
شعرت بالضعف والقهر وقلة الحيلة
وفضلت اكلم نفسي
واقول...
هاعمل ايه واتصرف ازاي؟
واثناء ما كنت واقفة محتارة
سمعت خبط علي الباب
فا خرجت افتح الباب
وفي اللحظة دي
اتفاجئت ادامي
ب..هاني...
ومعاه كام واحد شكلهم عاملين زي البلط&جية
وكان واضح ان هاني قرر يجتهد بطريقتة
عشان تتم عملية التبادل ويسلم القربان للجان
لكن...
عشان انا كنت فاهمة الي في دماغة
فا مديتهوش اي فرصة
عشان ينفذ الي هو جاي عشانة
وجريت بسرعة علي البلكونة وفضلت ارقغ بالصوت
واختي وهند صحيوا علي صوتي
و لما شافوا هاني واتباعة
فضلوا يصرخوا هما كمان
وفي لحظة
الناس الي في العمارة كلهم اتلموا
علي صوت صراخنا
واحكموا سيطرتهم علي هاني والي معاه
ولما انا والبنات اتهمنا هاني والي معاه
بانهم حاولوا يعتدوا علينا
الجيران رزعوهم علقة
واخدوهم علي القسم
بتهمة التحرش ومحاولة الاغتصاب
وكان مفروض نروح معاهم انا واخواتي
للقسم عشان ندلي با اقوالنا
لكن...
في اللحظة دي
انا قررت اخد البنات ونهرب
لاني كنت متاكدة ان هاني مش هيسكت
ولا هيتركنا لحالنا
وزي ما عرف طريقنا في اسكندرية ووصلنا
هيوصلنا هو والجن بتاعة في اي مكان
عشان كدة
كان لازم ارجع بلدي انا والبنات
وفي بلدنا ابقي اشوف ساحر من المعروفين عندنا في البلد
وكنت ناوية اطلب من الساحر
يسخر جن من الجان
عشان...
يمنع عننا اذي الوسيط
بس قبل ما ده يحصل...
كان لازم اقنع اختي شيما وهند صاحبتنا اننا نرجع بلدنا
وفعلا اقنعتهم ووافقوني
وهما بنفسهم قالوا...
ان وجودنا في وسط اهلنا أمن لينا
بعد ما اتفزعوا من الي حصل من هاني والي معاه
وعشان مكنش في وقت
علي المهلة
الي اعطهالي الوسيط
سافرنا احنا الثلاثة ورجعتا علي بلدنا في الحال
المهم
بعدما وصلنا البلد
اتعللنا بسبب غيابنا
لاامي وابويا
وقولنا...
ان هاني كان محتجزني انا وشيماء في مكان بعيد
واول ما شيماء ربنا شفاها
قدرنا نهرب ورجعنا للبلد
وطبعا امي وابويا مكنوش مركزين في حاجة
غير...
فرحتهم بشفاء شيماء اختي
وهند كمان اختلقت لها عذر عند اهلها
والامور مشيت طبيبعية
واول ما حسيت الامور استقرت
فضلت استدرج امي في الكلام
عشان اعرف منها اسم اشهر ساحر
يكون شاطر ومعروف عنة انه بينجز
فا فهمت من خلال الدردشة مع امي
ان في ساحر اسمة (ساهر)
وساهر ده كان صيتة مسمع البلد كلها
فا قولت هو ده
وصممت بيني وبيني نفسي
اني اروح للساحر ده فورا
و انتهزت فرصة ان امي بتجهزلنا الاكل
وابويا مشغول بالكلام مع شيماء
ولبست عبايتي القديمة وغطيت شعري بطرحة سودة
وخرجت لوحدي بدون ما حد يعرف انا رايحة فين
المهم...
بعدما سالت وعرفت مكان بيت الساحر
اتسللت وانا مغطية راسي
لغاية...
ما وصلت عند بيت الساحر
لكن
بمجرد ما وصلت
اتفاجئت ب زحمة وهيصة ادام الباب الخارجي للبيت
بتاع الساحر
وكان واضح ان الساحر مش بيقابل حد بسهولة كدة
ولازم ميعاد
فا قررت اني اعمل المستحيل وادخل للساحر
قبل ما المهلة تنتهي
وكمان خوفت لا حد من اهل البلد يشوفني وانا داخلة عند الساحر
فا رجعت تاني اتفحص المداخل الاخري لبيت الساحر
واثناء ما كنت واقفة بتفحص بعيني مداخل البيت
لمحت شباك في الدور الارضي مفتوح
فا بصيت جوه الشباك
ولحسن الحظ
مكنش في حد بداخل الاوضة الي فيها الشباك
فا قفزت من الشباك
و في ثانية بقيت جوة البيت بتاع الساحر
وفي الداخل
فضلت اتسلل بهدوء
وكنت ناوية بمجرد ما اوصل للمكتب او المقر الي بيقعد فيه الساحر
ادعي اني دخلت من الباب الرئيسي عادي
لكن...فضلت ادور علي اوضة الساحر وملقتهاش
وفي اثناء ما كنت بتفقد الغرف في منزل الساحر
شوفت حاجة غريبة ومقززة في نفس الوقت
والي شوفتة ان في شخص في بيت الساحر
كان ماسك كلب ميت
وبيحشر في بوق الكلب ورق وصور اشخاص ووقماش وريش وحاجات كتير كدة
وكل ده جوه بطن الكلب الميت
وفي الاخر...جاب حاجة شبيهة بالابرة الكبيرة الي في اخرها خيط متين
وفضل يخيط بوق الكلب ويكتفة بالخيط
وفي اللحظة دي
شكيت ان يكون الراجل الي بيعمل كدة ده هو الساحر
لانه كان بيتمتم بكلمات غريبة وهو بيخيط بوق الكلب وبيكتفة
وكمان كان معاه مساعد بيناولة الحاجة الي بيحشي بيها بوق الكلب
المهم..
فضلت واقفة ابص علي الي بيحصل وانا قرفانة ومستغربة
وقبل ما الساحر ينتهي من الي بيعملة
دخلت علية واحدة ست
شكلها مساعدة له برضوا
وقالتلة...
واحدة من الزباين
جت وسابت
دم الحيض بتاع سلفتها
الي انت طلبتة منها
جيبتهولك عشان تعملها العمل
بتاعها
فا زغرلها بعنية
عشان تترك الي في ايدها وتخرج
وفعلا...تركتة وخرجت
ورجع الساحر يعلي طبقة
صوتة بكلمات مش مفهومة
وانا كان بيزيد فزعي مع ارتفاع نبرات صوتة المخيفة
بس الي رعبني اكتر
اني شوفت بعيني
الكلب الميت وهو بينتفض بين ايدية
وكأن الكلب كان جواه شيئ بيحركة
وفي اللحظة دي
خوفت لا حاجة تصيبني
وانا في المكان ده
فا قررت اهرب من حيث اتيت
وفعلا بدات ارجع بضهري
لغاية ما خرجت من الشباك
لكن...قبل ما ابعد عن الشباك
في شخص شافني
وانا جنب الشباك
لكن مفهمش اني كنت جوه
وكان فاكر اني بتلصص علي الناس جوه البيت
فا اخدني للساحر ساهر الي شوفتة من لحظات وهو بيخيط بوق الكلب
بعدما حشاه اعمال
لكن..دخلوني للساحر في غرفة تانية خالص
ومسكني المساعد
وقالة...
البت دي لقيتاها
بتحاول تقرب من الشباك بتاع البيت
ويظهر كانت عايزة تتصنت علينا
فا لقيت الساحر
ترك الي في ايدة
وقرب مني
وسالني
وقالي...انتي مين الي محرضك وسلطك علينا
البوليس ؟ولا االاهالي؟
قلت..لا لا والله محد سلطني
انا كان عندي مشكلة وجيالك تحلهالي
وانت بنفسك هتكتشف ده دلوقتي
فا لمس راسي بايدة وبص في عنيا شوية
وبعدها هدي...وبعد عني....
بعدما اطمنلي
ولقيتة بيسالني تاني
وبيقولي...
جاية تعملي عمل لمين؟
قلت...لواحدة اسمها ام هاني
فا رد وقالي
نوع العمل ايه؟
قلت.مش فاهمة؟
هو العمل انواع
فا رد الساحر
وقال..اه طبعا
وبدء الساحر يشرحلي
ويقولي...
يعني مثلا في حاجة اسمها سحر اسود
و سحر جنون
(عمل بالجنون)
و سحر تولة (انجذاب)
وسحر بالنداء (النداهة)
وسحر بربط الزوج
و سحر بالنزيف ؟
وسحر بمنع للجواز؟
وسحر بالفرقة بين الزوجين؟
ولا.....
وقبل ما يكمل المنيو
بصيتلة بدهشة
وانا بدعي علية.. بيني وبين نفسي
وبقولة.
يخربيت سنينك
اية ليستة الاذية دي كلها؟
لكن... متكلمتش
ورديت وانا في قمة التوتر
وقلت..
مش عارفة الاذية الي انا عايزاها
بتتصنف اية بالظبط
لكن...انا هقولك المشكلة بتاعتي
وانت اعمل العمل الي يريحك
وفعلا..سردت للساحر قصتي كلها
وبعدما فهم المراد
طلب مني عشرة الالاف جنية
في مقابل انه يحل ليا المشكلة
فا قلتلة...حاضر
وكنت ناوية اتصرفله فيهم فعلا
بس يظهر اني لما قولتلة حاضر
الساحر فهم ان الفلوس جاهزة معايا حالا
فا بدء يتعامل معايا بطريقة لطيفة
وفضل يطمني
وبقولي...
اطمني هو جنبك دلوقتي وسامع موضوعك...
وموافق ينفذلك كل طلباتك
فا رديت بتعجب
وسالتة
وقلت..هو مين الي جنبي؟
فا رد الساحر
وقالي...الجن (مرازي)
اصل مرازي ده جن ملوش حل...
وملوش كبير
والكل بيعملة الف حساب
و انا حضرتة دلوقتي عشان ينفذلك مرادك
فا نبشت في ذاكرتي
وانا بردد الاسم الي سمعتة
وقلت..
مرازي؟ مرازي؟
انا سمعت الاسم ده قبل كده
يلهوووووووي....
مش مرازي ده الي نيل الدنيا قبل كده؟
واتسبب لشيماء اختي وهند
بالشلل سنين طويلة؟
وبصيت للساحر بفزع
وانا بقول...
لا لا لا لا لا لا لا
لا شكرا مش عايزاة يعملي حاجة
وبسرعة قمت من القعدة
فسالني الساحر بغضب
وقالي مالك ايه الي حصل؟
قلت... مفيش حاجة
وخلاص مش عايزاك تعملي حاجة انت كمان
فا صرخ فيا الساحر
وقالي...مبقاش ينفع التراحع دلوقتي
فا اتلجلجت في الكلام
وقولت...اصل...اصل بصراحة انا افتكرت اني معنديش فلوس ادفعهالك
عشان كده عايزاك تنسي الي طلبتة منك
وتركت الساحر الي مكنش لسة رد عليا
وخرجت اجري
وكنت فاكرة ان الموضوع خلص علي كدة
لكن.......
اول ما خرجت في الشارع
لقيت شيخ بدقن (رجل دين)
بيعاتب الناس الي بتتزاحم علي بيت الساحر
وبيقولهم...
انتوا بمجرد ما وقفتوا علي باب الساحر وطرقتم بابة فقد ك&فرتم؟
فسالتة
وقلت...الكلام ده بجد يا عم الشيخ
فا رد الشيخ
وقالي...
انتي مسمعتيش الحديث
عن ابي هريرة رضي الله عنة
عن النبي صلي الله علية وسلم
لما قال..من اتي كاهنا فصدقة بما يقول فقد كفر بما انزل علي محمد.
صدق رسول الله صلي الله علية وسلم
بعدما سمعت الحديث
فضلت الوم واعتب علي نفسي
واقول...
كده يا داليا؟
بقي بعد ما رجعتي لربنا
وقولنا نلحق نفسنا؟
تقومي تدخلي برجلك بيت ساحر؟
وفضلت استغفر ربنا
طول منا راجعة
وكانت حالتي النفسية زفت
ولقيتني روحت وجيت من عند الساحر ع الفاضي
وكنت فاكرة دخولي لبيت الساحر ورجوعي قفايا يقمر عيش
هي دي فقط البلوة الي حصلتلي
من دخولي لبيت الساحر
لكن الي حصل.......
