رواية ابنة الراقصة الفصل التاسع عشر 19 بقلم روس اليوسف

حامد: الله يخربيتك.
غاليه وصلت المستشفي واتحجزت.
حامد: اي يا دكتور ما تطمني هنمشي امتي وهتفوق امتي.. انت سايبني كدا  .
الدكتور: معلش ما كنتش عارف إن حضرتك مع الحاجه.. عموما هي دخلت في غيبوبه.. وأملنا تفوق منها بسرعه.
حامد حط ايديه علي دماغه وقعد علي الكرسي.
___________________rose ___________________
رامي دخل البيت  رمي المفاتيح ودخل علي الاوضه وقفل الباب و قعد يفكر اي اللي بيحصلي دا.. في حاجه مش مظبوطه بس هعرفها. 
هدي بتخبط علي الباب.
هدي: رامي.
رامي: تعالي يا هدي اتفضلي.
هدي: انا بس يعني كنت عايزه اقولك أن في واحده اتصلت الصرح وقالتلي أنها خطيبتك وان باباك تعبان اوي بس انا ما كنتش عارفه اوصلك. 

رامي: البسي هدومك هتيجي معايا.
هدي: بس انا..
رامي: مافيش بس يلا يعني يلا.. اي مش دا كان اتفاقنا ولا انتي عايزه تخلعي.. بصي يا هدي انا عايزك تموتيها فاهمه.. عايزها تكرهني.. هتعرفي تعملي كدا ولا اي.
هدي: فاهمه حاضر.. 
هدي خرجت وكانت لابسه فستان طويل مغطي ركبتها وشعرها البني المموج المائل إلي لون الذهب  مهدول علي ظهرها وملامح هادئه يضويها بعض مساحيق التجميل.
هدي: يلا انا جاهزه.. كويس كدا.
رامي بتقائيه: هو في اجمل من كدا.
هدي أحرجت: بس  حلوه البدله دي اول مره اشوفها.
رامي كمل وهو نازل معاها في الاسانسير: انتي واخده بالك انا عندي اي وما عنديش اي.. الله دا انا عندي معجبين بقي وانا مش واخد بالي.
هدي  بتتوه الكلام: هو احنا هنروح فين البيت ولا  المستشفي.
رامي: هنروح البيت.. انا كنت في المستشفي الصبح وعرفت انه خرج.
رامي وصل ووقف العربيه: يلا انزلي.
هدي نزلت ومسكت في أيديه.
رامي: اي دا لا براحه لأصدق.
هدي: بص فوق كدا هتلاقي الحربايه واقفه بتتفرج علينا.
رامي: اي دا بجد طيب استني كدا.
مسك ايديها التانيه وباسها وابتسملها.
هدي: ادخل انت الاول انا عايزه اعمل حاجه كدا.
رامي: ما تتأخريش ها.
هدي: تمام.

ايناس بتلف في كل حته في الشقه:  مافيش حاجه تتاكل في البيت دا.. يا حسيييين... انت بتنام كل دا اذاي انا نفسي اعرف.
فجأه لقيته واقف وراها.
حسين: في حد يخص حد كدا.
ايناس: انا جعانه ومافيش اكل اعمل اي.. وحضرتك مش بترضي تنزلني اجيب اي حاجه دا حتي البنس بتاعه شعري انت اللي حايبها.
حسين: ياااه يا ربي علي الزن كل يوم نفس الاسطوانه.. يا بنتي كلي عيش بقي واسكتي هوحد لاقي.. وبعيدن يا اختي هوانا بشوف شعرك دا اصلا عشان اعرف انتي عايزه البنس لي.. مع انك قبل ما تتحجبي كنتي قمر من غير بنس.
ايناس: اي دا انت بتعاكسني دا ولا اي.
حسين: انا اعاكسك انتي.. يا بنتي اعترفي انتي جربانه اصلا.
ايناس بصدم#مه  : انا جربانه.. طيب الجربانه جعانه.
حسين بضحك: حاضر هنزل اهو..  وكمل وهو داخل يلبس وديتي الاكل دا كله فين.
ايناس:  سامعااك علي فكرا.
حسين: انتي يا ست مافيش تيشيرت ولا قميص.
ايناس: عندك في الدولاب ما انت. لو كنت تعبت شويه ودورت كنت لقيتهم.. وبعدين استني انت جبت اللي انت لابسه دا منين.
حسين: لقيته هنا تحت السرير.. اخرجي بقي عايز اغير ولا تحبي تتفرجي.
ايناس جريت: يا قليل الادب....
يتبع....