رواية سجدة ومصطفي كاملة جميع الفصول بقلم مجهولة

رجع مصطفى وقال لوالدته بتعب: ملقتهاش
كريمة بعصبية:
- انا عايزة افهم ايه اللى حصل وخلاها تسيب البيت؟
مصطفى بضيق:
- يعنى هيكون ايه اللى حصل.. خناقة بسيطة بينى وبينها
كريمة بشك:
- والله !! خناقة بسيطة تخليها تسيب البيت؟.. سجدة بنت أصول وانا عارفة كده كويس.. هي متعملش كده من فراغ أبدا.. عملتلها ايه يامصطفى؟
مصطفى بعصبية:
- يعني هي اللى ملاك وانا شيطان؟
كريمة بغضب:
- لأ يا ابن بطنى بس انا عايزة افهم سابتك ليه.. عملت ايه يامصطفى انطق
مصطفى بإنفعال وعدم وإدراك: اتجوزت.. فيها ايه يعني الشرع حللى اربعة.. مغلتطش يعنى

كريمة بصد@مة: اتجوزت ؟!!!
مصطفى اتوتر واستوعب اللى قاله وقال:
- امي انا....
قاطعه صفعة قوية من والدته خلته اتصدم وكملت كريمة بوجع:
- مكنتش أتوقع أنك تعمل كده يامصطفى

- بتضربينى يا أمى عشان اتجوزت؟
- وأقطع رقبتك كمان.. ومين بقى السنيورة خرابة البيوت اللى........
- انا ياطنط
مصطفى بصد@مة:
- نيرمين ؟!!!
كريمة:
- انتى ايه اللى جابك هنا؟
نيرمين بخبث:
- انا السنيورة اللى ابنك متجوزها
كريمة حست بالصد@مة ومصطفى اتعصب وقال بحدة:
- انتى ايه اللى جابك هنا يانيرمين.. اتقضلى امشى دلوقتى
نيرمين ببرود:

- انا جاية بيتى ­يا مصطفى ­ ­ ­ 
كريمة بصد@مة:
- بيتك ؟!!! ايه الكلام اللى بتقوله ده يامصطفى؟
نيرمين:
- ايوة بيتى وبيت أبنى اللى فى بطنى والا ابنك مقالكيش أن كتبلى البيت ده كله باسمى؟ 
كريمة حست بالحسرة وفجأة مسكت قلبها ووقعت على الأرض
مصطفى:
- ماما.. ردى عليا
يتبع