رواية ليلة الدخلة الذهبية الفصل الثالث عشر 13 بقلم حنان حسن
اتحول مرازي فجاءة
لثعبان اسود
وبدء الثعبان يتلوي علي الارض
لكن
قبل ما الثعبان يختفي عن عنيا
خرجت اجري من الحمام
وانا بصرخ...وبتتفض
ولما خالة صبيحة
شافتني وانا في حالة الخوف والفزع دي
فضلت تهدي فيا
وتقولي...مالك ؟
ايه الي حصل؟
قلت...مفيش
بس انا لازم امشي من هنا حالا
فا قالتلي..ايه الي انتي بتقولية ده؟
تمشي تروحي فين؟
قلت..
مفيش فايدة من الكلام انا همشي يعني همشي
وفعلا بدات الم حاجتي من الاوضة بسرعة
وبعدها...اتوجهت للباب عشان اخرج وامشي
لكن..قبل مااخرج
اصطدمت بزوجة العمدة
ولقيت وجهها في وجهي
واول ما زوجة العمدة
شافتني واخدة في وشي وماشية
سالتني
وقالتلي..رايحة فين يا عروسة؟
قلت..انا لازم اخد اهلي وامشي من هنا فورا
فا قرمشت علي اسنانها
وبدون ما ترد عليا
لقيت زوجة العمدة طلعت الموبيل من صدرها
واتصلت علي العمدة
وقالتلة...
تعالي حالا
وهات حسن ابنك ...
عشان في مصيبة
هنا
احنا في اوضة صبيحة
وبعدها... قفلت السكة
وفعلا..
بعد دقايق معدودة
لقينا العمدة وحسن عريسي
بقوا معانا في الاوضة
وبص العمدة لزوجتة
وسالها
وقالها..في اية؟
فا ردت مراة العمدة
وقالتلة...
العروسة مصممة وعايزة تسيب عريسها في يوم فرحها
وتمشي
فا بصلي حسن بصد@مة
لكن سكت ومتكلمش
امام ابوه وامة
لكن العمدة بصلي بغضب
وسالني
وقالي..
هو انا مش سبق وحذرتك من انك تقولي امشي
واسيب عريسي؟
بتكرريها تاني لية؟
قلت...
يا جم١عة اسمعوني
انا مش هقدر اقولكم اي مبررات
لكن...
كفاية انكم تعرفوا ان حياتي هنا في خطر
وممكن لو فضلت معاكم...
اعرض حياتكم انتوا كمان للخطر
عشان كده
لازم تسيبوني امشي
وبصيت للعمدة وانا بوجه له الكلام
وقلت..
ارجوكم متحاولوش معايا
