رواية براثن الاسد كاملة جميع الفصول بقلم كيان خالد
أسد لاحظ نظرات اخوه لزينة.
أسد: احم هو كل حاجة جميلة علي السفرة دي بالذات هي.
أميرة: خلاص اسكتوا بقي صدعتوني.
أسد: ليه مالك…… يا مرات اخويا.
أميرة: لأ مفيش حاحة يا أسد بس راسي وجعاني.
ابراهيم: وكيس جوافة انا.
أميرة قالت بسرعة: مالك يا إبراهيم أسد زي اخويا وصحبي.
أسد بتأكيد: ايوه يا إبراهيم ما أنا مش زي حضرتك.
زينه كانت بتكلم صفاء وسيبينهم ياكلوا بعض.
زينة: هو أول مرة اقعد آكل معاكم يحصل كده.
صفاء: لأ يا حبيبتي هما دايما كده.
زينة: وانت مستحملاهم ازاي.
صفاء: ولادي وملييش غيرهم.
خلصوا خناق اقصد أكل وزينه لمت السفرة وقعدت مع صفاء.
قعدنا نحكي مع بعض وإبراهيم كان بيتعمد يمسك ايدي كنت بدايق واشدها بسرعة.
إبراهيم: مالك يا زينه أنا زي اخوكي الكبير برضه.
زينه بابتسامه: اه طبعا.
أسد: انت هنا ليه.
صفاء: مالك يابني قاعدة معايا.
أسد: طيب بعد اذنك مراتي وعايزها.
زينه: بس أنا عايزة اقعد مع ماما شوية.
أميرة بتدخل: ايوة يا أسد سيبها من زمان محكناش مع بعض أنا وهي من ساعة ما خلصنا الثانوية.
أسد: بس أنا عايزها ابقوا احكوا بعدين.
أسد أخد زينه ودخلوا.
أسد: اتفضلي.
زينه: الله بتاع مين ده.
زينه: انت بتلبس خواتم.
أسد: ليك انت ياختي.
زينه: بجد ليا أنا.
أسد: اه وبالمناسبة ده بس تعويض.
زينه: عن ايه.
أسد: عن جوازنا ولما نتطلق هتاخدي اكتر.
زينه ادته الخاتم تاني….
زينه: أنا متجوزتكش علشان فلوسك أو سلطتك يا حضرة المقدم، انا اتجوزتك علشان ماما صفاء وبس ليلا ما انها مريضة وكانت هتزعل والزعل غلط عليها مكنتش بس هفكر فيك.
أسد زينة كل يوم بتكبر في نظره قوي مع انها يتيمة وفقيرة ومتربية في ملجأ من وهي تسع سنين وامه هي اللي تكفلت بتعليمها.
أسد:شكرًا.
زينه: علي ايه.
اسد: لأنك بتهتمي بأمي.
زينه: امك عملت معايا حاجات كتير وكفاية انها سبب اني اتعلم.
لحد ما جه الليل وأسد رجع بس لوحده ماما صفاء كانت نايمه وأميرة أول ما سمعت صوت فتحت الباب خرجت من اوضتها وانا خرجت اشوف مين.
بس انصدمت………………
الفصل الرابع 4
أميرة أول ما سمعت صوت فتحت الباب خرجت من اوضتها وانا خرجت اشوف مين.
بس انصدمت ووقفت عند باب الاوضه.
كانت أميرة حاضنه أسد فضلت فترة وأول ما سابته مسكت وشه وكانت رايحة تبو*سه من شفا*يفة بس هو بعدها.
أميرة: مالك يا أسودي انت ليه من لما رجعت وانت بعيد عني.
أسد: ابعدي يا أميرة لأنه إبراهيم جاي ورايا.
