رواية ابنة الراقصة الفصل الخامس عشر 15 بقلم روس اليوسف

حسين: خلاص خلاص اتسدي بقي.. عايز افطر جعان.
ايناس وهي بتقعد عشان تاكل معاه: بس ما كانش لي لزمه يعني تتعب نفسك.. وكملت بغيظ أتعبلك يوم فرحك.
حسين يصلها بصه مش مفهومه بس كفيله تخلي ابتسامتها تظهر.
حسين: علي اي الشكر  بس.. وبعدين ما انتي كنتي زعلانه مني وغسلتي هدومي.
ايناس: شغلتي.. اللي عمري ما هتكسف منها.
حسين وهو بيسيب الاكل: اسمعي يا ايناس انا للمره المليون بقولك اني أسف وما قصدتش اللي انتي فهمتيه ولو ما كنتيش اهانتيني ما كنتش جرحتك.
ايناس بصوت هادي: خلاص حصل خير.. كمل أكلك.
كملو أكلهم وهما بيخطفو نظرات من تحت لتحت زي الحراميه عشان ما حدش يقول علي التاني أنه بيتلزق فيه.

حسين  بخبث: ابقي افتحي الشنطه اللي هناك دي شكلنا غلطنا فيها وخدناها من السواق غلط.
ايناس باستغراب: اي دا كانت فين دي انا كل يوم بنضف.
حسين وهو بيمسكح أيده وبياخد المفاتيح  : كانت ف الأوضه عندي.. انا نازل.
ايناس:  تمام ما تتأخرش لو سمحت.. بعد اذنك يعني.
حسين بابتسامه: حاضر.
حسين نزل وهي فتحت الشنطه واتصدمت..
___________________ rose __________________
هدي بتتكلم مع المحامي.
يعني اقول كدا ام الناس.
المحامي: ما يهمكيش حد والتقرير اللي معانا اللي بيثبت انك لسه بنت ضامنلك الخلع من اول جلسه.
هدي: انا كدا ارتاحت.
رامي: ولسه.. وميل عليها وقالها بهدوء. محضرلك مفاجأه هتعجبك اوي صدقيني.
هدي: هو بقي في حاجه تفرح.
رامي: ما تقلقيش.. هتعرفي أما نمشي من هنا.
خرجوا من المكتب وهدي دماغها بتودي وتجيب.. اي المفاجأة.
رامي سايق بأقصي سرعه.
هدي:  براحه يارامي هتموتنا.
رامي  : لا مافيش براحه.. هتفهمي دلوقتي.
وصلو عند مصنع ضخم.
رامي: انزلي.
هدي بعدم فهم نزلت وبدأت تتلفت يمين وشمال وهو ساحبها وراه.
رامي: افتحي الباب.
هدي فتحت الباب ودخلت لقت رجاله كتير وفي واحد مربوط علي الكرسي ومضروب ومتبهدل علي الآخر.

هدي: مين دا.
رامي: قربي وانتي تعرفي. 
هدي قربت وحققت لقيته هو هو عماد وبيبصلها بطرف عنيه السليمه بغل وشر.
هدي بصدم#مه: عمااد.
رامي: ها اي رأيك مش بزمتك مفاجأة حلوه.
هدي برعب: حلوه اي مشيه مشيه والنبي.
رامي: هدي اهدي كدا.. هو مش هيقدر يأذيكي تاني هو عارف طبعا اي اللي ممكن يحصله.. قالها وهو بيوجهله الكلام.
هدي: رامي أنا مش عايزه اشوفه جبتني لي.
رامي: هدي انا وعدتك ووفيت.. ودلوقتي انا عايزك تاخدي حقك.
وخلع الحزام ومسكهولها.
هدي بصدم#مه ورفض صامت: ارجوك يا رامي مش هقدر.
رامي بتحذير: هتاخدي حقك ولا اقتله.
هدي بسرعه: لا لا خلاص اهو.
رامي: مش كان بيضربك بالحزام.. اضربيه يلاااااا.
يتبع......