راية حنين واحمد الفصل الحادي عشر 11 بقلم هايدي احمد
:ايوه اتكلمى
سلمى:على ما اعتقد ان القاعه الى كنا فيها هى نفسها الى كنا بنحضر فيها الندوات
حسن:ايوه هتفرق فى ايه
سلمى:اكيد هيكون فيها كاميرة مراقبه واحده على الاقل عشان الاجهزه الى فى القاعه
حسن: طب مستنين ايه نقدر نشوف تسجيل الكاميرا فين
سلمى: فى أوضه الأمن بره تعالى معايا
سلمى اخدت حسن وراحت اوضة الامن بس الموظفين مرضيوش يوروهم التسجيلات بس بعد محايلات من سلمى وان العميد طالب يشوف التسجيلات وافقوا
حس دور فى التسجيلات لعند ما لقاهم وتابع الى حصل وعينه بتطلع شرار من الغضب وشاف قد ايه هنا كانت خايفه وقد الدكتور ده قذ*ر وحقي*ر واخدهم عشان العميد يشوفهم قبل ما يفصل هنا من الكليه
: حضرتك انا مش هسكت على بيحصل ده وهرفع عليكم قضيه وهجيب حق اختى
حسام: أعلى ما خيلك اركبه كل الى هتعمله على الفاضى
احمد: بصله بغضب واتحكم فى نفسه عشان ميضربوش
العميد: بس يا حضرات الموضوع اتقفل وانت يا استاذ مش هيفدك القضيه الى هتعملها اختك هتتفصل من الكليه دى وده قرار هياخده مجلس الكليه
:ثانية واحده
العميد:انت تانى ناديلى الامن يطلعوه بره
حسن وهو بيبص لحسام بإستحقار:مش اوريك الى معايا الاول وتشوف حقيقة الدكاتره المحترمين الى فى كليتك
العميد: تورينى ايه بالضبط
حسن فض اشتباكهم مع بعض وطبعا العميد كان فى نص هدومه من الى شافه وان كل الى هنا قالته كان صح
فض اشتباكهم واعتذر لهنا على الى حصلها وانه خلاص مش هيفصلها
احمد: وطبعا الاستاذ ده تطرده من الكليه
العميد: بص لحسام هنشوف الموضوع ده بعدين
حسن:لا مش بعدين دلوقتى ويبقى عبره لكل الى بيعمل كده
العميد:عموما هيتحول للتحقيق ومجلس الكليه يقرر
احمد: لو متصرفتش انا مش هسكت عن حق اختى
احمد: ارفعى راسك ومتعيطيش خليكى جامده كده
هنا:انا مش عارفه لو مكنتشوش جيتوا كان حصل ايه كان زمانى مفصوله ومطروده من الكليه بفض.يحه
احمد:متقوليش كده وانا عايش على وش الدنيا عمر ما حد يمس منك شعره امسحى دموعك دى
مسحت مدعوها وبصت لحسن الى كان بيبصلها هنا بخفوت: شكرا على وقفتك معانا النهارده
حسن بإبتسامه:العفو متقوليش كده ده اقل واجب
احمد وهو بيحط ايده على كتف حسن بضحك:الا ايه يابنى جون سينا الى طلع منك فجأه ده
حسن وهو بيظهر عضلاته: ده اقل حاجه عندى انت مشوفتش حاجه بس مش أمر منك قاعد تقولى اهدى اهدى متمدش ايدك واتاريك مفترى يا راجل ده انت كس.رته ههه
احمد:من بعض ما عندكم يا اخويا انت فاكر الى عندك دى عضلات اسكت
كانت هنا متبعاهم وبتضحك على أفشاتهم مع بعض وقاطعهم دخول سلمى وهى بتحضن هنا وبتطمن عليها
حسن:على فكره الفضل كله يرجع لها هى الى قالتلى على كاميرات المراقبه
هنا: بجد شكرا انا مش عارفه لو مكنتيش هنا كان حصل ايه
سلمى:متقوليش كده انتى اختى
احمد:طب يلا يا بنات عشان نمشى وتعالى معانا هنوصلك
سلمى: شكرا مفيش داعى
احمد: لا ازاى متجيش اتفضلى
مشيوا ووصلوا سلمى
سلمى: اتفضلوا يا جماعه
احمد: يزيد فضلك هنمشى احنا بقى
سلمى: السلام عليكم...هبقى اتصل بيكى اطمن عليكى باى
هنا: ماشى مع السلامه
احمد وصل هنا البيت ونبه عليها متجبش سيره لمامته عشان متقلقش وتتعب وهى وافقته ودخلت البيت
احمد بإمتنان: تسلم يا صاحبى مش عارف من غيرك كنت عملت ايه او اتصرفت ازاى
حسن:فى ضهرك علطول متقولش كده احنا اخوات يا جدع
احمد:بس برضه مش هسيب ابن الكل*ب ده وهدفعه تمن الى حصل بقى يته.جم عليها وكمان يفصلها
حسن: اه لو كنت سبتنى عليه كنت مو.ته فى ايدى
احمد:لا ما انت عملت الواجب وكفايه ههه..بس متقلقش متابعه لغايه ما يتبح.س مش هسيبه
__________________________
هنا دخلت البيت وحازلت متبينش لمامتها حاجه
:السلاام عليكم يا جماعه عامله ايه يا ست الكل
الام: كنتى فين يا بت كل ده مش قولتى هتيجى بدرى
هنا: اا..اعمل ايه بس يا ماما طولت فى المحاضره عامله ايه يا حنين
حنين: بخير يا حبيبتي
هنا بقلق:مالك كده حصل حاجه
لا ابدا محصلش حاجه بس قلقانه شويه على احمد
ها ليه ماله فى حاجه ولا ايه
الام لا يا حبيبتي تليفونه مقفول بس
اه اكيد فى الشغل يعنى هيكون فين انا هروح اغير هدومى انا
حنين قلقت من شكل هنا المتوتر وعنيها المدمعه فدخلت وراها: ايه يا بنتى م..ايه ده مالك بتعيطى ليه حصل حاجه انتى كويسه
هنا مردتش عليها وحضنتها وقعدت تعيط
حنين بخوف: مالك بس يا هنا ايه الى حصل..احمد حصله حاجه اتكلمى بالله عليكى
هنا بلهفه: لا لا هو كويس بس
حنين:بس ايه اتكلمى ايه الى حصل احكيلى
حكتلها هنا كل الى حصل
______________________
: بسم الله الرحمن الرحيم مالك واقفه كده ليه
حنين كانت واقفه مستنيه احمد على الباب وبتتوعدله
:كنت فين حضرتك
احمد ببلاهه:هكون فين يعنى كنت فى الشغل مالك كده
حنين:والله وشغلك كان عند هنا في الكليه
احمد:اهلا وسهلا هى لحقت قالتلك
حنين بضيق:ايه مكنتش عايزها تقولى كمان مش كفايه انت مش عايز تقولى
احمد:ويا ترى امى وصلها الموضوع.. اوعوا يكون وصلها حاجه
حنين:لا متقلقش موصلهاش..انت تليفونك كان مقفول ليه
احمد:لا مقفلتوش يمكن تغطيه وحشه بس.ها عامله اكل ايه
