رواية ابنة الراقصة الفصل العشرون 20 بقلم روس اليوسف

 الحيره دي هنفضل كده على طول ولا ايه..  يا رب ساعدني يا رب مش عايزه اعلق نفسي بأمل واطلع بالوهم في الآخر وخطر في بالها فكره..طب والله فكره ودخلت الاوضه وقفلت الباب على نفسها.
___________________rose ___________________
هدي: ادخل انت الاول انا عايزه اعمل حاجه كدا.
رامي: ما تتأخريش ها.
هدي: تمام.
هدي فضلت ووقفه مستنيه برا وفجأه لقيت لينا نازله تجري علي رامي عشان تحضنه.
هدي بسريخ: اااه رجلي الحقني يا رامي.
رامي جري زي المجنون وساب لينا علي السلم واقفه هتنفجر من الغيظ.
رامي: اي يا حبيبتي مالك مش تاخدي بالك يا روحي.

هدي بأنوسه ودلع: ما انت اللي سبتني.. في حد يسيب حبيبته واقفه لوحدها علي الباب كدا.. وانت عارف اني تعبانه.
لينا بغيظ: مش تاخدي بالك.. وبعدين لما انتي تعبانه جيتي لي.
هدي وهي بتحط ايديها علي كتف رامي عشان يشيلها: السؤال دا تقوليه لنفسك يا حبيبتي.. بتوجعني اوي يا رامي.. وخبت وشها في صدره.
لينا مشيت من قدامهم وعينيها بتطلع شرار.
هدي خرجت من حضنه  وضربته علي كتفه بخفه وبتضحك علي غيظيتها.
هدي: ها اي رأيك.
رامي ما كانش مركز معاها: هااا.. اه اه كويس.
هدي: كويس يا ابني مالك.
رامي شال ايديه اللي حاضنها بيها وبعد وخد نفس طويل واتكلم: مافيش بس ارتبكت شويه.
هدي فهمت أنه اتضايق انها ما فهمتوش واتصرفت كدا وقربتله بالطريقه دي.

هدي: أنا أسفه بس انا كنت بحاول اغيظها.. مش انت اللي قولتلي موتيها غيظ.. انا عملت كدا.
رامي بإصلاح فهم: لا انتي ما غلطتيش.. انا اللي ما كنتش متوقع بس.. وقاطعهم نزول فريال هانم وهي شايفاهم من فوق مقربين لبعض وبيتمتمو.
فريال بحده: اي مش مكفيكم البيت جايين تحبو بعض هنا ولا اي.
رامي بهمس  : الشغل بدأ.
هدي: اهلا يا طنط.
فريال بعدم اهتمام: اتأخرت لي بقي.
رامي  بجديه: مافيش يا ماما بس هدي بتكلمك.
فريال وهي بتبصلها من فوق لتحت  : ااه.. اهلا.. حلوه.

لينا بتقرصها: بجد يا طنط.
فريال: بس طبعا الجمال بتاعنا حاجه تانيه.. احنا جمال بشواتي.
رامي وهو بيقبل ايد هدي  : وانا بحب الجمال الطبيعي  .. الرباني يعني.
هدي حست قد اي هو بيخاف علي مشاعرها حتي لو اللي بتتكلم ست وممكن هي ترد عليها.
فريال: اي الكلام البلدي دا.. انت من ساعه ما سبت البيت وانت اسلوبك مش عاجبني.. ولا ممكن تكون هي اللي علمتك.
رامي بحده: طيب انا كلمه كمان مش هتعجبني وهمشي.
لينا بقلق: اي لا لي.. وو وباباك مش هتوشوفه ولا اي.
رامي بدون كلام اخد هدي في إيديها وطلع ل اوضه والده.
بيخبط الباب.
رامي: بابا أنت صاحي.
الحاج شوقي: تعالي يا رامي.. اتأخرت لي.. انا طالب اشوفك من بدري.
رامي بأس ايديه وراسه وشاور لهدي.
هدي بحبك: ألف سلامة عليك يا بابا.
شوقي بتعب: الله يسلمك.. عازك لوحدك يا رامي.