جر.ي..مة عشق بقلم مريم نصار

أحمد ثواني جايلك
جاسر بيتحرك كانت في واحده داخله القسم وهي داخله وجاسر طالع خبطوا في بعض
والموبايلات بتاعتهم وقعت على الارض جاسر وطي وجابهم
جاسر:-انا اسف جدا بجد اسف
هي:- لا حصل خير انا كنت ماشيه وشارده اسفه الغلط عندى واخدت منه الفون ومشيت وجاسر راح لصاحبه
آدم في المكتب
—————–
مريم:- الو
آدم:-وحشتيني
مريم: ………

آدم محبش يحرجها:- بتعملي ايه؟
مريم:-لسه بروق في البيت

آدم:-اكلتي؟
مريم:- لا وعلى فكره بقى مفيش اكل في البيت وانت قولت هتتصرف
آدم:-اه صح معلش طب بصي انتي خلصي ترويق وانا هابعت دلوقتي أجيب أكل جاهز من بره وهاجيبه واجي علشان نتغدى مع بعض
مريم:- خلاص هستناك
آدم:- طيب يلا بقى انا هقفل علشان ورايا شغل
خلى بالك من نفسك

وقفلو وآدم بعت العسكري أمين يجيب اكل وعطالو مفاتيح عربيته علشان يحط الاكل فيها وجاب لا آمين كمان اكل وشكره جدا وأمين جاب الاكل وسابه في عربية آدم
@ مساء الخير
العسكري امين:- مساء النور ايوه حضرتك عايزه مين؟؟
#@ مش ده مكتب الرائد آدم العدوى
العسكري أمين:- ايوه ما هو اسمه مكتوب علي اليافطه اهو
@ طيب لو سمحت هو موجود
امين:- ايوه موجود نقوله مين
@: قوله ملك خالد العدوي

يتبع….

طارق:- يعني وجودي كل يوم والتاني مدايقك
رنا:- لا مش كده يا طارق انت عارف انت ايه بالنسبالي ف ارجوك ما تلعبش في الحته دي
طارق:- الله ما هو ده معنى كلامك انتي بتقولي مش كل يوم والتاني اجيلك يعني متدايقه اهو
رنا:- لا انا مش متدايقه بس ما ينفعش لو حد شافنا مع بعض

وهنا بتسألني كل يوم والتاني ومش عارفه اقولها ايه. وايه سبب وجودك
طارق:- هنا. وانا مالي ب هنا بصي يا رنا انسي انك تروحي البيت لوحدك انتي كنتي بتروحي الاول بعربيتك بس انتي قولتى ان باباكي مانعك تسوقي العربيه.. وركبتيها بس في فتره سفروا
بعد ذنك على اخوكي صح
رنا:- ايوه ايه دخل ده باللي انا باتكلم فيه

طارق:- دخله اني لا يمكن اسيبك تروحي لوحدك وانا هوصلك بالعربيه وقت ما تخلصي محضراتك انتى مسؤوله منى ده سبب وجودي ويا ستي علشان ما تقوليش اني انا كابس علي نفسك لما تكون هنا هتوصلك انا مش هاجي تمام

رنا:- بس يا طارق لو حد شافنا انا بنت وليا سمعتي
طارق:- انا قولتك اجي اتقدملك وانتي اللي رافضه
رنا:- لسه بدري لما اخلص دراستي
طارق:- ده في المشمش ان شاء الله ومين هيسيب واحده زي القمر زيك تستنى لما تخلص
وبعدين هنا لو سألتك قوليلها بنحب بعض
رنا:- لا طبعا
هنا جت عليهم:-مساء الخير
رنا وطارق:-مساء النور
طارق:- انسه هنا
هنا:- نعم
طارق:- انا بحب رنا ومش بس بحبها انا بعشقها وناوي اطلبها قريب وبص لرنا في حاجه تاني
رنا:- متغاظه انت مجنون

طارق:- اقسم بالله كلمه زياده لاقول بعلو صوتي في الجامعه اني بحبك ولا هيفرق معايا حد
رنا:- اه ما انت سمعتي مش فارقه معاك
طارق:- بصدم#مه من كلامها انا يا رنا سمعتك مش فارقه معايا طب يا ستي كتر خيرك وسابها ومشي
رنا:- يطارق طارق استنى
هنا:- غبيه هو ف حد عاقل يعمل الل عملتيه وكمان الاستاذ طارق مستعد يتشرف بيكى قدام الناس كلها
وكملت بزعل:- مش زي عاصم الل كان بيقابلنى ف الضلمه. انتى بجد غبيه يارنا
رنا. حست انها زودتها هو خايف عليها وسايب شغله وجاي علشانها وخرجت فونها وبتتصل عليه
عند مريم
————-
مريم وهي بتروق البيت وقفت قدام مكتبه
وباستغراب:-ايه الكراتين الصغيره اللي فوق المكتبه دي!!
عايزه تترتب لما اروح اجيب السلم
وجابت السلم وطلعت عليه على مهلها
علشان بتخاف وصلت لاأعلى المكتبه
كان فوق المكتبه كتب قديمه وشرايط اغاني قديمه والبومات صور

وبدات تنزل حاجه حاجه وتطلع تجيب الحاجه وتنزلها علشان تظبطها وفي وسط الكراكيب دي
لمحت صندوق صغير فتحته لقيت بلوره متوسطه الحجم بتعكس الوان وكان جواها ٣ صور
لست كبيره وصوره لولد شاب صغير وصوره لبنوته طفله
مريم:-الله دي جميله قوي والست دي قمرايه اوووى
ايه ده الولد ده فيه شبه من آدم والبنوته العسل دي اممم بس يا ترى مين دول لا
لا يا مريم آدم قال انه هيجي في يوم ويحكيلك كل حاجه
لما انزل بقى والمع. البلوره الجميله دي انا حبيتها اوووى
ومريم نازله على السلم وماسكه البلوره بايد
والسلم بايدها التانيه
وخلاص فاضل درجتين في السلم ورجل مريم فلتت منها ومريم بتحاول تمسك في السلم بيديها الاتنين البلوره وقعت على الارض وتكسرت ١٠٠ حته
طارق:- كان سايق وهو متدايق ورنا بتتصل عليه وهو ما بيردش عليها
وافتكر مشوار آدم كان طلبه منه يعملوا النهارده وراح على الشركه ونزل ودخل جوه وسال على غرفه مكتب معينه بالاسم ووصل لحد المكتب وخبط على الباب
عبير:- ادخل
طارق فتح واول ما شاف وشها …. يخربيتك
طارق:- مدام عبير بسيوني؟
طارق طبعا قمر وطول بعرض وعسل في نفسه كده

عبير:- اول ما شافته قامت:- اتفضل انا عبير ….. بدلع عبير بسيوني افندم
طارق في سره الله يحرقك يا شيخه دي ستي في تربتها فيها الرمق عنك
طارق راح وقعد على طرف المكتب وبيقلب في الملفات:- عبير بسيوني. اقدر اعرف بقي انتي بتدايقي الناس هنا ليه
عبير:- بمياصه انا ده انا مسكينه وبعدين متعرفناش أنت مين
طارق:- مسكينه طيب يا مسكينه انا جاي احذرك ابعدي عن طريق اشرف عزيز فاهمه ياحلوه
عبير قربت منه:-ايه ده انت جاي من طرف اشرف اكيد انت قريبه صح هو انتو كلكم قمرات كده انا ممكن ابعد دلوقت عن اشرف حالا قصاد انك تبقى معايه ولسه هتمد يديها على جاكيت البدله
اشرف طالع على السلم ورايح عند مكتب عبير وبينفخ ومتضايق انه رايح عندها
طارق قام وقف ومسكها من شعرها:-لا يا روح امك ايدك لتوحشك
انا ادفنك مكانك فاهمه واشرف ده تبعدي عنه نهائى ولو شوفتيه ماشي من طريق ترجعي وتمشي من طريق تاني غيره فاهمه
عبير:- اه اه شعري سيب شعري
طارق زقها وهي كانت هتقع بس سندت على كرسي المكتب وما وقعتش هنا بقى اشرف فتح الباب واتصدم:-الرائد طارق السيوفي خير حضرتك هنا ليه في حاجه؟!
طارق اتعدل:-لا ابدا كان ليا شغل مع مدام عبير وبيبص عليها
لكن تفاجئ بشعر عبير مرمي على الارض طارق راح وطي وجابها:- باروكه لابسه باروكه يعني حتى الحاجه اللي عدله اللي فيكي طلعت مستعاره ورماها عليها:- كويس ان أشرف جه انا بقولك اهو قدام منه لو قربتي من أشرف عزيز او بس دايقتيه بحاجه ولو بس شميت خبر انك بصتيله انا هلبسك قضية مخدرات وتبقى بقى قابليني لو شوفتي النور تاني وبيزعيق:-فاهمه
عبير خافت لما عرفت انه رائد في الشرطه وبخوف وهي بتلبس الباروكه:- فاهمه فاهمه ده اشرف ده انا بعتبره ابني الكبير
أشرف بصلها وكاتم الضحكه:-اتفضل معايا حضرة الرائد وخرجوا
أشرف:- بجد بجد انا مش عارف اشكرك ازاي انت عملت ليا خدمه كبيره قوي
طارق:- ما تشكرنيش انا معملتش حاجه ده واجبي انت ما تعرفش غلاوتكو عندي قد ايه
أشرف:- غلاوتنا غلاوة مين

طارق كح انت:- يعني وباباك وادم صاحبي
أشرف:- ربنا يخليك بس بجد بشكرك من قلبي لكن حضرتك عرفت ازاي
طارق:-ما تشكرنيش لكن لو مصمم اشكر ادم علشان هو اللي بعتني هنا وهو اتصل عليا امبارح وحكالي شرح مبسط وهو كان هيجي بنفسه لكن عنده شغل
وانا كمان دلوقت عندي شغل اسيبك انا بقى ولو احتجت اي حاجه كلمني على الرقم ده عطاله الكارت
أشرف:- ان شاء الله طارق سابه ومشي ورايح القسم لا ادم
أشرف..سرحان معقول آدم اللي عمل كده انا لازم اشكره بنفسي واتكلم معاه
عند آدم
———— بقلم Mariem Nasar
العسكري امين خبط ودخل:- تمام يا فندم في واحده عايزه تقابل سعاتك
آدم:- قالتلك مين
آمين:- ايوه اسمها ملك خالد العدوي
آدم قلبه اتقبض وغمض عينيه وبنفسه اهدا يا آدم ده مجرد تشابه في الاسم بس
آمين:- آدم باشا اخليها تدخل؟
آدم سرحان وما بيردش ملك دخلت وقالت لامين اتفضل انت وخرج وقفل الباب وراه
ملك:- آدم
ادم ………
ملك:- انا ملك يا آدم انا اختك ملك وبدات عينيها تلمع بالدموع
آدم بشده وقف:- لو سمحتي اطلعي بره انا معرفش حد بالاسم ده
ملك سابت شنطتها على المكتب الصندوق المتوسط جمبه وراحت واقفه قدامه
وآدم قلبه بيدق وصدره بيعلي ويهبط

ملك شافت شكل آدم عن قرب وقالت جواها إن قد ايه اخوها جميل جدا ووسيم وفرحت للهيبه الل موجوده عنده
ملك:- آدم لو سمحت اسمعني انا تعبت ومحتاجالك ارجوك
آدم واقف بجمود وما بيردش كانه سرحان ووصل لي حته ضلمه
ملك:- آدم انا رجعت مصر علشانك علشان محتاجالك عايزاك جمبي ارجوك عايزاك تسمعني
آدم شريط زكريات بيرجع وجرح بعد ما بدا يقفل فتح تاني
ملك للحظه خافت من تعابير آدم لكن هتعمل ايه اخوها ووحشها
ملك:-ارجوك اديني فرصه واسمعني انا كنت صغيره لما ابوك خدني معاه
ومكنتش فاهمه حاجه انا كنت مجرد بنت فرحانه انها تركب طياره انا كنت عشر سنين يا آدم ارجوك اتكلم قول حاجه
آدم واقف وشه بقى احمر وعينيه بتطلع شرار لكن ملك فكرت انها تعمل حاجه يمكن يحن عليها لانه اخوها الكبير
ملك قربت من آدم ورمت نفسها في حضنه وعيطت كتير لانها مشتاقاله
:-ارجوك يا آدم انا محتاجالك ارجوك سامحني واسمعني انا اختك حبيبتك انا ملك يا آدم
آدم..مره واحده شدها من حضنه وزقها بعيد ووقعت على الارض وحصل في جبينها جرح صغير خالص وقرب منها
ادم:- اختي!!!اختي انا ماليش اخوات فاهمه ماليش اخوات اختي ماتت مع امي انا دفنتها بايديه دول
اختي ملك ماتت من عشر سنين لما سابتني واختارت الفلوس
واختارت مراة ابوها اللي كانت سبب في مoت امي وكانت كمان شاهده على موتها
اختي اللي سابت امي بتطلع في الروح وقالت ايوه هسافر معاك يا بابا
اختي اللي فضلت على امها واخوها أب جاحد ومراه أب انتهازيه اتجوزت واحد اكبر منها علشان الفلوس
وهو اتجوز واحده في العشرينات وجابها لامي وشرط عليها انها تقعد في نفس البيت وهان امى
وخان الامانه الل حماته وصتو بيها وقالتلو انا بسلملك روحى وخانه
امي اللي كانت بتقف بعيد وتتفرج على جوزها وهو بيدلع بنت صغيره
ويهنيها ويطبطب عليها. امي اللي ما استحملتش الصدم#مه وتعبت
امي اللي خدمت وشالت وصبرت ومرضت في الاخر ايه هااا ما تردي في الاخر ايه
جابلها واحده زباله وضحكت عليه ساكته ليه ما تررررردي

صوت آدم كان خارج بره المكتب وجه طارق وسامع الصوت
طارق:- في ايه يا آمين
آمين:- والله ما انا عارف يا طارق باشا واحده دخلت على ادم بيه ومن ساعتها
صوتو عالي كده ومتعصب على الاخر انا خايف لا يقتلها أستر ياارب
طارق:- واحده. واحده مين دي
آمين:- بتقول اسمها ملك خالد العدوي
طارق بصدم#مه كبيره:- بتقول مييين ؟؟؟!!!!!
طارق من صوت آدم العالي وغضبه الظاهر متجرأش يدخل عنده
ملك لسه واقعه على الارض وخايفه من آدم وما كانتش عارفه انه هو يعمل معاها كده وأنه لسه عايش ف الماضى
آدم وطي عليها وشدها من دراعها جامد وهي بتتوجع وبتعيط:- انتي جايه ليه
هااااا جايه ليه
علمتك ايه. علمتك تضحكي على الرجاله صح؟؟
وعلمتك ان الفلوس اهم حاجه صح ؟؟
علمتك تخربي البيوت العمرانه صح؟؟
ملك بتهز راسها بلا
:-اديني فرصه اتكلم اديني فرصه اشرحلك
آدم:- انتي تطلعي من هنا ومش عايز اشوف وشك تاني

انتي تختفي من وشي مش عايز اسمع حاجه. وزقها وخبطت في الباب المقفول
وهنا ملك صدقت كلام باباها فعلا باباها كان عنده حق أن ادم بيكرهم
ملك:- لو سمحت اسمعني والله بابا اتغير خالص
وبقى انسان تاني وبكده ملك غلطت اكبر غلطه
آدم وقع كل حاجه على المكتب بغضب شديد:-انتي بتقووووولي ايه اطلعي برررره اختي ماتت وابوها م١ت
فاهمه م١تو مع اللي راحوا انا ما ليش حد فاهمه
ملك شافت حالته جريت عليه:- اهدى يا آدم اهدى خلاص انا هامشي واوعدك مش هتشوفني تاني بس اهدى
آدم واقف وفاتح عينيه اللي بلون الدم وصدره بيعلى ويهبط من غله من ابوه وبعدها قبض على ايده وغمض عينيه:- انا قولت اطلعي بره
ملك:-حاضر بس قبل ما امشي حابه تشوف حاجه ويمكن دي اللي ممكن تخليك تحن عليا وتسامحني
وقالت كلامها وسط شهقات من العياط وكان في دم على جبينها بس ما حستش انها اتجرحت لان الجرح اللي جواها وجوه آدم اكبر من اي جرح

وخصوصا جرح آدم
. الأم يجماعه وبالذات لو اتهانت واتظلمت قدام ولادها
ملك راحت فتحت الصندوق وخرجت منه كوره البلور وقالت:- فاكر دي يا آدم
وراحت واقفه قدامه بعياط:-فاكر دي اخر هديه من ماما الله يرحمها
فاكرها كانت جايبه لكل واحد فينا بلورا ولما حست انها هتموت ومش هتلحق تقدمهالنا في اعياد ميلادنا عملت حفله صغيره ليا وليك في اوضتها وقدمتلنا الهديه دي
كل واحد فينا واحده وكانت جواهم صورنا انا وانت وماما
بص لسه زي ما هي ازاى انا حافظت عليها فاكرها يا آدم
والله انا كنت لسه صغيره ارجوك سامحني يا آدم انت ما تعرفش قد ايه محتاجالك
آدم واقف بجمود:- اطلعي بره.

ملك:- ارجوك اسمعني
بابا اتغير وعايزك تسامحه هنا بقى الشيطان بقى مكان آدم
آدم مسكها من ذراعها:- انتي عايزه ايه
عايزاني اسامح مين
اسامحه !!!! اسامحه بعد ما قتل امي اسامحه خلاص
رجعولي امي وانا هسامحه
رجعولي كرامتها وانا هسامحه
رجعولي صحتها اللي راحت في خدمته وكانت تعبانه ولو خلفت تاني وكان في ضرر على حياتها وخلفتك وانا هسامحه
رجعولي امي رجعوهالي
اطلعي برررره ومشوفش وشك تاني

آدم فتح الباب ومسكها من دراعها وزقها:-برررره. بره وكانت لسه هتقع لما آدم زقها ولكن جاسر لحقها ووقعت بين أيديه
جاسر:- انتي كويسه ؟؟ملك منهاره من العياط وسابتهم وطلعت تجري
جاسر لااراديا جرى وراها ومهما هي تجري هو مش عارف يحصلها
آدم بيوقع كل الملفات في المكتب وطارق دخل عليه وشاف آدم من 10 سنين
وكان فاكر ان آدم القديم ده م١ت
طارق:-آدم اهدى يا ادم بتعمل ايه اهدى بقى
آدم:-اوعا سيبني
ياطارق سيبني احسنلك وزقه
طارق جري على آدم وكتفه:-اهدا اهدا بس انا عايزك تهدا
آدم دفع طارق بعيد عنه ولكن طارق قرب وكتفه تاني
آدم متنرفز جدا راح ضارب طارق بالبوكس في وشه واخد مفاتيحه وخرج ومش عارف يروح فين
مريم وقعت على الارض بعد ما رجليها فلتت من على السلم اه يا ضهري الحمد لله يارتنى كنت سمعت كلام آدم وخليته يبعت البنت دي تساعدني
وافتكرت البلوره واتعدلت علشان تشوفها وقعت فين مريم بتدور عليها ولمحتها

مريم بصدم#مه شهقت يا نهاااار البلوره اتكسرت ١٠٠ حته
يا لهوي طب وبعدين يا ترى آدم هيدايق ايوه طبعا هيزعل دي شكلها كان حلو اوى
طيب اعمل ممكن يزعقلى لا لا ما اظنش انا هشيل السلم والكراتين دي وبعد كده الم القزاز اللي اتكسر اه يا ضهري
آدم سايق ومش شايف قدامه:- ليييييه ليه رجعتولي ليه انا ماصدقت اعيش ماصدقت افرح ليييييه طيب اروح فين ولمين دلوقت
هاروح فييييبن ايوه ايوه هاروح —– لمريم

يتبع….

طارق رنا بتتصل عليه ومش عايز يرد عليها وخرج بسرعه من القسم وعايز يحصل آدم وركب العربيه وطار بسرعه جنونيه وخايف من اللي هيحصل ورنا بتتصل وهو قفل فونه خالص
ملك بتجري في الشارع
جاسر:- استني استني بس واخيرا حصلها
جاسر:-ممكن تقفي نتكلم
ملك ….
جاسر:- لو سمحتي ما تمشيش في الشارع معيطه كده
ملك ماشيه وما بتردش عليه
جاسر:- زعق ولاول مره في حياته:- لو سمحتي اقفي بقى هو انا بكلم نفسي بقالي 10 دقايق بجري وراكي!!!
ملك وقفت وعياطها زاد جدا
جاسر:- اهدى بقى وبطلي عياط لو سمحتي العياط مش حل كل مشكله واكيد ليها حل
ملك:- انا مشكلتي مالهاش حل انا خلاص انتهيت

جاسر:- ليه بس التشاؤم ده وحدي الله كده وهتتحل ان شاء الله ولو سمحتي بقى في كراسي هناك على البحر تعالى نقعد كده لان رجلي ورمت الجزمه جديده وديقه بيحاول يخرجها من اللي هي فيه
ملك ما ردتش
جاسر:- والله ما تخافي مني انا بس مش عارف انا ايه اللي خلاني اجري وراكي ممكن بقى نقعد وبعدين ده مكان عام
ملك:- اوكي
جاسر اخدها وقعدوا جاسر خرج من جيبه علبه مناديل وحطها ف ايديها
جاسر:- اولا انا اسف ان صوتي عالي عليكي
ملك خدت منه المناديل:- شكرا
جاسر:- ها ممكن بقى تحكيلي مالك وايه سبب عياطك وايه اللي وصل الرائد ادم انه يتعامل معاكي كده وازاي يحط ايده عليكي ممكن افهم انا كنت هدخل المكتب وأشوف في ايه لكن الرائد طارق وقفنى فياريت تحكيلى
ملك طبعا في لحظه انكسار وجاسر بيقويها وبصت لجاسر ورفعت راسها
جاسر:- ايه ده انتي متعوره في جرح هنا وشاور عليه
ملك حطت ايديها ع الجرح …
ملك:-ده جرح بسيط مالوش اي قيمه بمقارنه الجرح اللي جوايا والجرح اللي احنا اتسببنا فيه لاخويا آدم
جاسر:- لحظه بس الرائد آدم يبقى اخوكي؟؟؟

ملك هزت راسها اه

جاسر:- مهما كان قوه الجرح وعمقه ما يدلوش الحق انه يمد ايده عليكي

ملك:- ماتحكمش عليه وانت ماعشتش ظروفه هو مجروح واحنا السبب

جاسر:- طيب ممكن تحكيلي

ملك بصت ليه:- خايفه احكيلك