رواية الليلة الذهبية الجزء الاول 1 بقلم حنان حسن
وشوية يعلي صوتة ببعض الكلامات الغريبة
وشوية يسكت...
وشوية يصرخ...
وشوية...يكلم شيماء
وفي اللحظة دي
فضلت شيماء تصوت لغاية ما وقعت...
وفقدت الوعي
ولما جيبنالها د كتور
عملها شوية اشعة وفخوصات
واكتشفنا بعدها انها اتصابت بالشلل
وعرفنا ان الشيخ الي جه نيل الدنيا اكتر مهي متنيلة
المهم....
فضلت شيماء كده سنين
وفضل الحال علي ما هو
ولغاية ما انا كبرت ودخلت الدبلوم
وشيماء راقدة زي ما هي وامي بتخدمها..
ومفيش علاج نافع
لغاية ما في يوم
وانا في المدرسة
واحدة صحبتي قالتلي ان في دكتور جه البلد
وبيعالج حالات الشلل الشبيهة بحالة اختي شيماء
فا قلتلها ياريت اختي تخف فعلا
فا بصتلي زميلتي
وقالتلي..بعدما نخرج من المدرسة
نعدي علي العيادة بتاعتة ونشوف الكشف عنده بكام
وفعلا...
خرجنا من المدرسة
وروحنا علي العيادة
وفي العيادة فضلنا ندور علي الممرضة الي بتقطع الكشف لكن ملقتاش حد
فا ناديت وقولت
هو محدش هنا ولا اية
فا لقيت الدكتور خارج من اوضة الكشف
لقيتة بيبتسم
وبيقول...اهلا وسهلا
اي خدمة؟
قلت...حضرتك الدكتور
فا هز راسة
وقالي..ايوه انا
قلت..طيب كنت عايزة اعرف ثمن الكشف هنا بكام
فا ابتسم وقالي
الكشف هنا مجانا
بس قوليلي فين المريض؟
فا اتشجعت
وقلت
بصراحة يا دكتور
اختي تعبانة اوي
ومش هينفع اشرحلك حالتها
فا قلع الدكتور البلطوا بتاعة
وقالي...
وانا جاي معاكي
اتفضلي وريني المريضة
قلت..بس انا مش معايا ثمن الكشف دلوقتي
فا وقفني الدكتور
وقالي...ما قولنا الكشف مجانا
اتفضلي بقي ومتضيعيش وقت
وفعلا...
جه معايا الدكتور الطيب لبيتنا
ودخل يكشف علي شيماء
واول ما شافها
مسك ايديها وفضل يضغط عليها
وبعدما خلص كشف
وقف الدكتور في وسطنا
واعلن انه هيعالج شيماء مجانا
لانه بيعمل دراسات عليا
وحالتها هتساعدة في البحث بتاعه
فا فرحنا كلنا بكلام الدكتور
