رواية الليلة الذهبية الجزء الاول 1 بقلم حنان حسن

يومها اختي شيماء

اقترحت اننا ندخل سباق احنا الثلاثة 
علي ركوب المراجيح

والي هتعوم اكتر هتبقي هي الي كسبانة

فا جربت عشان اطلع علي المرجيحة
لكن...اول ما اتحركت المرجيحة خوفت

وقلتلهم...نزلوني انا قلبي هيقف وممكن اموت

فا ضحكوا عليا ساعتها..
ونزلوني...
وفضلوا يقولولي يا جبانة 
يا ام قلب خفيف

المهم..
عدي اليوم واحنا بنلعب عند المراجيح

ولما المغرب اذن

كان لازم نرجع لبيوتنا
قبل الليل

لان المراجيح كانت في منطقة زراعية بعيدة عن البيوت
والعمار

فا رجعنا في الغيطان 
والدنيا بتظلم فعلا

واثناء ما كنا رجعين
مبسوطين...
وفرحانين وبنضحك

سمعنا صوت صفارة من احد الشباب

فا بصينا ورانا
لقينا اكثر من خمس  
اولاد شباب شكلهم يرعب

وكان واضح
انهم ناوين يستفردوا بينا وياذونا

فا مسكتني شيماء اختي  من ايدي
ومسكت هند بالايد التانية

وقالت لنا اسرعوا في الخطوة

وفعلا..فضلنا نجري
احنا الثلاثة

لكن...
الشباب ميأسوش
وفضلوا يجروا ورانا في الغيطان

لغاية ما
شيماء شافت كوخ صغير 
في الغيط

اخدتنا نستخبي جواه
وبعدما دخلتا الكوخ
لقيناه فاضي

فا فضلت اترعش وانا مرعوبة

وحاسة ان قلبي هيقف من الرعب

فا اخدتني شيماء في حضنها
وقالتلي.متخافيش

الساحرة الطيبة هتحمينا
ودلوقتي تشوفي

وشوية..
وسمعنا صوت حاجة بتخبط بره الكوخ

فا بصتلي شيماء 
و قالتلي...

شوفتي؟
جالك كلامي؟

دي اكيد الساحرة الطيبة
جت عشان تنقذنا

فا قامت هند تتاكد من كلام شيماء

وخرجت تبص برة الكوخ
يمكن تلاقي الساحرة الطيبة

فا تستنجد بيها
عشان تيجي وتقضي علي الشباب المتحرشين

وقولت...يارب هند ترجع تطمنا
وفعلا رجعت هند
لكن..
الي حصل..ان هند رجعت متقيدة بحبل

ووراها واحد من الشباب اياهم