رواية الليلة الذهبية الجزء الاول 1 بقلم حنان حسن

بعدما  روحنا بيتنا انا وشيماء

دخلنا اوضتنا 
ومقولناش علي الي حصل لحد
واخدت شيماء الثعبان الذهب وخفت بيه الارض

وحتي مقالتليش هي مخبياه فين

وبعدما خفت الثعبان

قالتلي حاولي تعيشي وتتصرفي عادي
وفعلا حاولت  انسي الي حصل
زي ما شيماء امرتني

لكن
مقدرتش....

وبدات اخد موقف عدائي  وانطباع سيئ 

وكنت بتخيلهم ديما...
بانهم وحوش ومليانين قسوة ووحشية

اما بالنسبة لشيماء

فا اتغيرت تماما..
من يوم الحادثة اياها

ومبقتش تتكلم مع حد...
ولا تضحك... ولا تحكيلي حواديت زي الاول

ومكنتش بتعمل حاجة غير
انها تفضل ساكتة طول النهار

وباليل
تفضل تكلم نفسها  في الضلمة..

والي يكلمها مننا تصرخ في وجهة

وللاسف.ابويا متفهمش حالتها النفسية

وكان بيعاملها بقسوة 
وكل شوية يضربها

لغاية ما شيماء نفسيتها تعبت اكتر

وياريت علي اد كده بس

ده جسمها كمان وشكلها بدء يتغير

وكل يوم كانت  بتبقي زي الي كبر سنة من عمره

وفي مسافة شهر واحد
ظهرها انحني

وبقي شكلها زي اي امراة في منتصف العمر

والموضوع ده خلي امي تقلق وكنا هنتجنن من القلق عليها

فا قلت في نفسي

يمكن الي حصل ده بسبب الحالة النفسية الي حصلتلها في اليوم اياه؟
ايوه اكيد الي هي فيه  ده
من حالتها النفسية الزفت

وفكرت اقول لهند علي الي حصل لشيماء

عشان تيجي نضحكها ونلاعبها
فا تنسي وترجع لطبيعتها

لكن...
هي فين هند؟

دي هند كمان بعدت عننا

بسبب اننا مسالناش عنها
بعدما سيبناها وهي متشرحة

وكمان مبقناش نتقابل ونلعب زي الاول

هاقبلها باي وش بس؟

وقلت لنفسي
مش مهم هتخن جلدي
واروح اصالحها

وخلاص

منا لازم اجيبها معايا لشيماء
عشان اختي نفسيتها تبقي كويسة

وفعلا...
روحت علي بيت هند
ولما خبطت امها فتحتلي

ولاحظت ان ام هند حزينة

فسالتها
وقلت.. هند موجودة؟