رواية عشقتها منذ نعومة أظافرها كاملة (جميع فصول الرواية) بقلم مريم نصار

ومراد: فتح باب العربيه ل فريحه اللي ركبت جمبه.. وكانت حاسه انها هي اللي عروسه من فرحتها.
..وزين اخد ريتال..
. ورينو كانت بتتصل على رودي. تشوفها اتاخرت ليه.؟
. رودي. قالتلها انها مع فارس … وبعدها لفت علشان تلحق زين … وزين كان اتحرك..مافاضلش غير رينو. والفهد.
فهد: شاف رينو بتتكلم ف الفون. وطبعا قال ل زين روح انت وانا هاجيب رينو معايا. وزين اتحرك.
رينو: كانت لسه هتتصل علي زين يرجع. لانه لسه قريب جدا وهي شايفاه.
فهد: فتح باب العربيه.اركبي.
رينو: اول ماشافت فهد. كانت عيزا تترمى ف حضنه.وكان واحشها فهد اوى. وكمان دابت في حبه لما شافته بالبدله. وكان جميل جدا..

رينو: اتوترت لكن ما بينتش ده. وافتكرت كلامه ليها انها بتحتاجله.. قالتله لا ميرسي لحضرتك.. انا هاتصل على ابيه زين..
فهد: زين مشي خلاص. واكيد لو اتصلتى مش هيسمع فونه. من صوت الميوزك العالي.. اتفضلي.اركبي.
رينو: احم لا متشكره. انا هتصرف هاتصل على بابي او …..
فهد: بصوت جهوري. اركبي يا انسه لارين وعدى اليوم..
رينو: خافت من فهد. واتحركت. وهو كان فاتحلها الباب. وركبت وهي بتترعش لانها هتركب جمب فهد. لاول مره من فتره طويله. وفهد الل واحشها. وركبت وفهد قفل الباب وعيونه كانت..على عيونها.المرسومه. ولف وركب جمبها وقلبه هيطلع من مكانه..
رينو: شمت البرفان واشتاقت لايام الفهد..
فهد: بيشغل العربيه شاف رينو عن قرب في المرايه اللي على الباب. وانها راسمه عينيها وكانت فاتنه الجمال.. وهو حب رسمة عينيها جدا. وكمان شفايفها. لكن شاط وولع نار.. لان اكيد اي حد هيشوفها. عينيه هتطلع عليها.
فهد: بعصبيه. كان لازم يعني ترسمي عينيكي دى.
رينو: قلبها. فرح ودق. لان فهد كده غيران عليها ولسه هترد. افتكرت كلامه. وربعت ايديها. وانت يخصك في حاجه.. بتهايئلى دى حاجه تخصنى انا. وانا حره اعمل الل انا عيزاه …
فهد بص ل رينو وهي كانت بصاله وعيونهم اتعلقت ببعض.. وسرحو في عيون بعض واتكلموا بلغة العيون.
فهد: وحشتيني قوي يا رينو..
رينو: عيونك وحشتني قوي يا فهد.
فهد: انا بحبك قوي وما كانش قصدي ابوسك غصب عنك. انا بوستك وقت ضعف وعصبيه.
رينو: انت بوستنى. يا فهد. وعارف ان ده حرام.
وانا ما كانش قصدي اني اهينك في رجولتك. انا عارفه ان سمات الرجوله كلها موجوده فيك.
فهد: انتي هنتيني يارينو. جرحتني ومش قادر انسى. كلامك دبحني..
رينو: انت جرحتني قوي بتصرفاتك يا فهد. وقلت عليا وجع دماغ.وكمان سبتني.
فهد: انتي الل سبتيني يا رينو سبتيني وقولتي. حبك ما يلزمنيش. انتي كسرتي قلبي يا رينو.
رينو: انت كسرت قلبي يا فهد لما قولت انك ما فيش واحده تستاهل حبك..
فهد: انا مش قادر انسي انك قولتي بكرهك يا فهد.

وكل واحد بيعاتب التاني بلغة العيون. والتعابير على وشهم..
وفهد. جسمه اتشنج اول.مافتكر انها قالت انا بكرهك يا فهد..
. ورينو: ادايقت واتخنقت. لما افتكرت ان فهد قال ان عمره ماحبها ولا فكر فيها. والاتنين فاقوة على صوت عربيه وراهم..
فهد: فاق وهو متغاظ من رينو..
رينو: فاقت وهي مخنوقه وعيونها فيها دموع وبتكابر. وبصت من الشباك وما تكلمتش.
. وفهد اتحرك بالعربيه وهيحصلهم في خمس دقايق من السواقع الجنونيه.. وكمان فهد مخنوق ومتعصب وكان بيسوق بانتقام.
يوسف: هو اللي كان سايق ومريم جمبه في العربيه. وماسك ايديها وكل شويه يبوس ايديها واتحركو
وكلهم طلعوا على السيشن..
– محمد: كان كل شويه يبص على نور وجمالها.و مش مصدق ان اللي بيحصل معاه دا حقيقه. ومحمد اخد كف ايد. نور. وحطها. في كف ايديه وشبكو صوابعهم بين صوابع بعض. وكل شويه يرفع ايده ويبوس ايديها.. مبروك يا نوري. مبروك عليا الجنه.
نور: بتحاول مش تتوتر. وفكرت في كلام مريم. وان محمد تعب كتير. ولازم تفرحه. انا الل مبروك عليا محمد.. مبروك عليا انت ….
وصلو اخيرا السيشن ….وفهد كان حصلهم ووصل معاهم.. وكلهم نزلو فى مكان راقى. وبداؤ يتصوروا..
.محمد اول واحد اتصور مع نور. صور كتيره وجميله. ورومانسيه..
.. وكمان يوسف ومريم وبعد كده العيله بدات تتصور
آدم: اتصور مع اميرته صور كتير. وطارق ورنا. وجاسر وملك.واشرف وهنا.. وحسام وهدى.. ومصطفى وشرين …
مراد: اخد فريحه. واتصورو. مع بعض واتصوره صور رومانسيه كتير.
.وزين. اتصور هو وريتال …
.ورودي شدت فارس من ايده قالتله تعال نتصور وكان هيرفض شدته غصب عنه. وفعلا اتصورو مع بعض. والل كان بيصورهم. فكرهم مخطوبين وقال ل فارس حط ايدك على وسطها. وفارس اتحرج. ولكن. لا اراديا حط ايده على وسط رودي.واتصورو. وكانت محرجه. ومكسوفه. وبصت في عنيه بحب. وفارس بادلها نفس النظره. ونفس الحب. وكانت صوره فيها اعتراف من الطرفين. انهم بيحبو بعض. واتصورو صور تانيه كتير. وفارس حس انه اتلخبط اكتر. مش عارف ما بقاش قادر ان رودي ما تكونش موجوده في حياته. وحط ايده على قلبه. واستغرب ومش عارف ليه قلبه دق لما كانت رودي قريبه منه…
.بيتر. اتصور مع كالورين.. صور كتير زى العشاق.
. مالك اخد ساره. من ايديها. واتصورو مع بعض.. ونزل على ركبه. في صوره ومسك ايديها وباسها.
وكانت صوره جميله.. وساره دمعت لانها خايفه من اللي هيحصل بعد كده …
. كده الكل اتصور.. لكن لسه رينو وفهد.
فهد اتصور مع فريحه وكمان مع طارق ورنا وتصور مع يوسف ومريم ومحمد ونور … نور راحت تتصور مع آدم ومريم