رواية عشقتها منذ نعومة أظافرها كاملة (جميع فصول الرواية) بقلم مريم نصار

وهما بيتغدو كلهم مع بعض. رودي حبت تشوف رد فعل فهد. وقالت أن صاحب فارس شاف رينو فى الفرح. ومن ساعتها بيزن على فارس.وسافر ولسه راجع من اسبوع. وعايز يتقدملها فى خلال اليومين الل جايين دول.
فهد: عيونه على فارس. وفارس قام وراح الأوضه. وفهد طلع وراه. وقاله بلغة تهديد.. هي كلمه واحده. تتصل عليه وتقوله يبعد. وميحاولش يقرب من فيلا العدوي. وإلا قسما بالله يافارس هقلبها حر. ب على الكل. وساب فارس ونزل. ومخرجش من بيته تانى.
. رينو: في البيت.. الو بابى.
آدم: فى الشركه. ايوه ياروح بابى.
رينو: ابيه محمد اتصل عليا وقالى إن فى عمليه لو حابه أحضرها.

آدم: بص فى الساعه وكانت ٣ اممم هتتاخرى.
رينو: لا إن شاء الله. ابيه مراد هيوصلنى. وهرجع مع أبيه محمد.
آدم: اوكي ياروحي خلى بالك من نفسك.
رينو: وانت كمان يابابى.
مراد وصل رينو. واتأكد انها دخلت المستشفى واتحرك.
رينو: ابيه محمد انا جاهزه.
محمد: كنت لسه هتصل عليكى اقولك متجيش.
رينو: ليه ايه الل حصل العمليه اتأجلت.
محمد: لا أهل المريض عملو مشكله. وكانو هيضربو الممرضه. واخدو المريض ومشيو. يلا لعله خير.
رينو: طيب. تمام انا هروح انا.
محمد: لا استنى قدامى ساعتين مش اكتر وهروحك.
رينو: لا خليك انت برحتك. ابيه مراد لسه موصلنى واكيد قريب من هنا. انا هتصل عليه يرجعلى.
محمد: رينو متاكده. ولا اوصلك انا.
رينو: اطمن انا هتصل على أبيه مراد. لو هيرجع انا مش هتصل عليك.
. ولو مش هيرجع انا هتصل عليك وارجع استناك هنا اوكى.

محمد: اوكى. لو مراد مش هيجي اتصلى عليا اوكي.
رينو: حاضر.
محمد: طيب انا فى مركز الاشعه. ولو مردتش اسنينى هنا. تمام.
رينو: اوكي تمام.
محمد اتحرك. ورينو خرجت قدام المستشفى وبتتمشى. وهتتصل على مراد. وبتفتح الفون. سمعت ست بتصوت وشافتها.
=: الحقوووونى ياناس بنتي بتم. وت. الحقوووونى. اى حد يشوفها معنديش غيررها يااااارب الحقوووونى ياناس
رينو: جريت عليها. خير ياطنط بنت حضرتك مالها. والناس اتلمت عليهم.
= بنتى. معايه فى التاكسي ومره واحد محطتش منطق. ابوس اديكى حد يلحقها. باين عليكى بنت ناس. متعرفيش دكتور فى المستشفى دى يشوف بنتى. والمستشفى شكلها كبيره. وحالى على القد. وعيطت. بنتى بتمووو. وووت ياناس
رينو: اهدى ياطنط. انا دكتوره فين بنتك.
بنتى فى العربيه الل فى الطريق التانى ابوس ايدك الحقيها بنتى لو ماتت هموت معاها. ااااه ياارب
رينو: اتحركت بسرعه معاها.. وكل واحد من الناس راح فى اتجاه.
رينو: شافت بنت صغيره فى العربيه وفتحت الباب. ورينو يدوبك قعدت على طرف الكرسي ورجليها بره التاكسي. والباب مفتوح. ومسكت ايد البنت. ورينو فاجأه حاجه اترشت فى وشها. وغابت عن الوعي. الست دخلتها بسرعه فى العربيه. وجه واحد. قالها هي مالها ياست البنت دى.
=: دي بنت اختى وتعبانه. وكانت لسه هتنزل من العربيه.داخت تانى اصل عندها السكر ياكبدى.